നിശ്ശബ്ദ ശത്രുവായ ഫാറ്റി ലിവർ; ഭക്ഷണത്തിൽ ഉൾപ്പെടുത്തേണ്ടവയും ഒഴിവാക്കേണ്ടവയും

നിശ്ശബ്ദ ശത്രുവായ ഫാറ്റി ലിവർ ഇന്ന് പ്രായമായവരിലും കൂടുതലായി കണ്ടുവരുന്നുണ്ട്. വ്യായാമം, ഭക്ഷണ നിയന്ത്രണം തുടങ്ങിയവയിലൂടെ ഈ രോഗാവസ്ഥ ഒരു പരിധിവരെ ഒഴിവാക്കാം. ദിവസം 45 മിനിറ്റെങ്കിലും വ്യായാമത്തിനായി മാറ്റിവയ്ക്കുക. ഫാറ്റിലിവറിനെ പ്രതിരോധിക്കാനുള്ള ചില ഭക്ഷണക്രമങ്ങൾ ഇതാ...
∙ ആഹാരം തവണകൾ കൂട്ടി കഴിക്കുക. മൂന്ന് പ്രധാന ഭക്ഷണവും മൂന്ന് ലഘുഭക്ഷണവുമായി ക്രമീകരിക്കുക.
∙ വേവിച്ച ഭക്ഷ്യ വിഭവങ്ങൾ കൂടുതൽ ഉപയോഗിക്കുക.

ഭക്ഷണത്തിൽ ഉൾപ്പെടുത്തേണ്ടവ
∙ നാരുകൾ അടങ്ങിയ ഭക്ഷണങ്ങൾ, പച്ചക്കറികൾ, ഇലക്കറികൾ 500 ഗ്രാം.
∙ തവിടോടു കൂടിയ ധാന്യങ്ങൾ.
∙ പയർ, പരിപ്പുവർഗങ്ങൾ.
∙ ചെറിയ മത്സ്യം (മത്തി,കൊഴുവ), മുട്ട വെള്ള എന്നിവ 80 - 100 ഗ്രാം.
∙ ബദാം, പിസ്ത, വാൽനട്ട്.
∙ പാൽ, തൈര്, കൊഴുപ്പു നീക്കിയ മറ്റ് പാൽ ഉൽപന്നങ്ങൾ 250 മി.ലി. വരെ.

ഒഴിവാക്കേണ്ടവ
∙ മദ്യം, ചുവന്ന മാംസം (പോത്ത്,പന്നി, ആട്), അവയവ മാംസം (കരൾ, ബ്രെയിൻ).
∙ ജങ്ക് ഫുഡ്, കാർബണേറ്റഡ് പാനീയങ്ങൾ, എണ്ണയിൽ പൊരിച്ച ഭക്ഷണപദാർഥങ്ങൾ, ഫുഡ് അഡിറ്റീവ്, ബേക്കറി പലഹാരം, കൊഴുപ്പ് കൂടുതലുള്ള ഭക്ഷണങ്ങൾ (ചീസ്, നെയ്‌ച്ചോറ്, ബിരിയാണി തുടങ്ങിയവ).
∙ ഉപ്പ്, പഞ്ചസാര എന്നിവ നിയന്ത്രിക്കുക.

വിവരങ്ങൾക്കു കടപ്പാട്:
∙ ഡോ.എം.രമേശ്, സീനിയർ കൺസൽറ്റന്റ്, ഗ്യാസ്‌ട്രോഎൻട്രോളജി 
∙ രശ്മി എസ്.നായർ, ഡയറ്റീഷ്യൻ