പുറംകാഴ്ച കണ്ട് വിലയിരുത്തരുത് : ഇവിടെ അകത്താണ് കാഴ്ചകൾ; നഗരനടുവിൽ മാസ് വീട്
![kadavanthra-home-ext kadavanthra-home-ext](https://img-mm.manoramaonline.com/content/dam/mm/mo/homestyle/dream-home/images/2024/6/11/kadavanthra-home-ext.jpg?w=1120&h=583)
Mail This Article
കൊച്ചി കടവന്ത്ര പോലെ തിക്കും തിരക്കും ശ്വാസംമുട്ടിക്കുന്ന നഗരഹൃദയത്തിൽ, സ്വകാര്യതയോടെ ആഡംബരത്തോടെ പാർക്കാൻ ഒരിടം. അതാണ് ഡോ. ജബീർ സഫലമാക്കിയ പുതിയ ഭവനം.
![kadavanthra-home-f-living kadavanthra-home-f-living](https://img-mm.manoramaonline.com/content/dam/mm/mo/config-assets/mo-default.jpg)
പടിഞ്ഞാറ് ദർശനമായി തലയുയർത്തി നിൽക്കുന്ന വീടിനകം അടിമുടി പുതുമകളും പ്രൗഢിയും നിറഞ്ഞതാണ്. ഇരുനിലകളിലായി ഒതുക്കത്തോടെയുള്ള ഡിസൈൻ. വാസ്തുപ്രകാരമുള്ള രൂപകൽപന. അങ്ങനെ വീടിന്റെ വിശേഷങ്ങൾ ഏറെയാണ്.
![kadavanthra-home-hall kadavanthra-home-hall](https://img-mm.manoramaonline.com/content/dam/mm/mo/config-assets/mo-default.jpg)
ഗേറ്റിനപ്പുറം നമുക്ക് വിരുന്നായി തുറക്കുന്നത് സമകാലിക ഡിസൈൻ സാധ്യതകളുടെ അകത്തളങ്ങളാണ്. വെൺമയുള്ള ഫ്ളോറുകൾക്കും ഭിത്തികൾക്കും അഴകേറ്റുന്ന ലൈറ്റിങ്. സിറ്റൗട്ടും ടി.വി- ഫാമിലി സ്പേസ് കൊടുത്തിരിക്കുന്ന ലിവിങ്ങും ഡൈനിങ്ങും മികച്ച ഫർണിഷിങ്ങിന്റെ സൗന്ദര്യം എടുത്തുകാട്ടുന്നു.
![kadavanthra-home-dine kadavanthra-home-dine](https://img-mm.manoramaonline.com/content/dam/mm/mo/config-assets/mo-default.jpg)
മനോഹരമായ കോർട്യാർഡാണ് ഈ വീടിന്റെ ഡൈനിങ് സ്പേസ് പൂർണമാക്കുന്ന മറ്റൊരു സവിശേഷത. ഒപ്പം മോഡേൺ ഓപ്പൺ കിച്ചനും. വർക്കിങ് കിച്ചനും വർക്ക് ഏരിയയും പ്രത്യേകം ഒരുക്കിയിരിക്കുന്നു.
![kadavanthra-home-kitchen kadavanthra-home-kitchen](https://img-mm.manoramaonline.com/content/dam/mm/mo/config-assets/mo-default.jpg)
വിശാലമായ മാസ്റ്റർ ബെഡ്റൂമും ഗസ്റ്റ് ബെഡും ഇന്റീരിയർ സങ്കൽപങ്ങൾക്ക് മുതൽക്കൂട്ടാണ്. ഡോക്ടറുടെ വർക്കിങ് സ്പേസായി ഒരു കൺസൾട്ടിങ് റൂമുമുണ്ട്.
![kadavanthra-home-bed kadavanthra-home-bed](https://img-mm.manoramaonline.com/content/dam/mm/mo/config-assets/mo-default.jpg)
മുകൾനിലയിൽ ഗംഭീരമായ യൂട്ടിലിറ്റി സ്പേസാണ് ഒരുക്കിയെടുത്തിരിക്കുന്നത്.
ഹോം തിയറ്റർ, ജിം, റൈറ്റിങ്+സ്റ്റഡി, ലൈബ്രറി അങ്ങനെ വീടിൻ്റെ ലാളിത്യത്തിലും സൗകര്യങ്ങളുടെ മേന്മയോടെ സമ്പന്നമാണ് ഒന്നാം നില. ഫാമിലി സ്പേസും രണ്ട് അറ്റാച്ച്ഡ് ബെഡ്റൂമുകളും ഈ ഫ്ളോറിലും ഉൾപ്പെടുത്തിയിരിക്കുന്നു.
![kadavanthra-home-living kadavanthra-home-living](https://img-mm.manoramaonline.com/content/dam/mm/mo/config-assets/mo-default.jpg)
വുഡൻ ടോണിലുള്ള സീലിങ്ങും, മികച്ച ലൈറ്റിങ്ങും റൂമുകളുടെ അലങ്കാരമാവുമ്പോൾ, വിസ്മയിപ്പിക്കുന്ന സിനിമാറ്റിക് ആംബിയൻസിലാണ് ഹോം തിയറ്റർ.
![kadavanthra-home-theatre kadavanthra-home-theatre](https://img-mm.manoramaonline.com/content/dam/mm/mo/config-assets/mo-default.jpg)
സ്റ്റഡി സ്പേസിന് നാച്ചുറൽ ലൈറ്റിൻ്റെ മിഴിവ് നൽകുന്ന പർഗോള സെറ്റപ്പും, റിലാക്സിങ് ഫീൽ തരുന്ന കൗച്ചുകളും കോഫീ ടേബിളും, പിന്നെയൊരു ട്രഡീഷണൽ ഊഞ്ഞാലും. വിശ്രമനേരങ്ങളുടെ ഹോംലി സ്പേസായി ഈ വീടിൻ്റെ മുകൾനില ഇപ്രകാരം സ്വപ്നതുല്യമാണ്.
ഔട്ടർ ബാൽക്കണിയുടെ മനോഹാരിതയ്ക്കൊപ്പം ഫാമിലി ലിവിങ്ങിലേക്ക് തുറക്കുന്ന ഹാളും ശ്രദ്ധയാകർഷിക്കുന്നു. ഇതര ആവശ്യങ്ങൾക്കായി സൗകര്യപ്പെടുത്തിയിരിക്കുന്ന രണ്ടാം നിലയുടെ റൂഫിലായി സോളർ പാനലുകൾ വിരിച്ചിരിക്കുന്നു. ഡിസൈനിങ് മികവിൽ ഇൻറീരിയറും എക്റ്റീരിയറും ഒരേപോലെ തിളങ്ങുന്ന വീടിന് രണ്ട് കാർപോർച്ചുകളുമുണ്ട്.
![kadavanthra-home-gym kadavanthra-home-gym](https://img-mm.manoramaonline.com/content/dam/mm/mo/config-assets/mo-default.jpg)
നഗരമധ്യത്തിൽ തലയെടുപ്പോടെ നിൽക്കുന്ന ഡോക്ടറുടെ വീടിൻ്റെ ഭംഗി, ഭവന സങ്കൽപങ്ങൾക്ക് മാറ്റ് കൂട്ടുന്നു എന്ന് പറയാതെ വയ്യ.
Project facts
Location- Kadavanthra, Kochi
Owner- Dr.Jabeer
Design- Mejo Kurian
Voyage Designs
Mob- 9745640027