സിനിമാഷൂട്ടിങ്ങിന് പറ്റിയയിടം: കാപ്പിത്തോട്ടത്തിന് നടുവിലൊരു വീട്
![wayanad-home-night wayanad-home-night](https://img-mm.manoramaonline.com/content/dam/mm/mo/config-assets/mo-default.jpg?w=1120&h=583)
Mail This Article
വയനാട് കൽപറ്റയിൽ കാപ്പിത്തോട്ടങ്ങൾക്ക് നടുവിൽ സ്വപ്നവീട് ഒരുക്കിയ വിശേഷങ്ങൾ വീട്ടുകാർ പങ്കുവയ്ക്കുന്നു..
![wayanad-home-morning wayanad-home-morning](https://img-mm.manoramaonline.com/content/dam/mm/mo/config-assets/mo-default.jpg)
ഞാൻ മണികണ്ഠൻ. ഐഎസ്ആർഒയിൽ ശാസ്ത്രജ്ഞനാണ്. ഇപ്പോൾ ഞങ്ങളുടെ വാരാന്ത്യങ്ങൾ കൂടുതൽ സുന്ദരമാണ്. ആറുമണിക്കൂറിലേറെ യാത്ര ചെയ്ത് ഞങ്ങൾ കുടുംബമായി ജന്മനാടായ കൽപറ്റയിൽ പോകാറുണ്ട്. അവിടെ കാപ്പിത്തോട്ടങ്ങൾക്ക് നടുവിൽ ഞങ്ങളുടെ പുതിയ വാരാന്ത്യവസതി കാത്തിരിപ്പുണ്ട്.
![wayanad-home-living wayanad-home-living](https://img-mm.manoramaonline.com/content/dam/mm/mo/config-assets/mo-default.jpg)
മൂന്നു ചരിഞ്ഞ മേൽക്കൂരകളാണ് വീടിന്റെ പുറംകാഴ്ചയിലെ സൗന്ദര്യം. ഇതിൽ ടഫൻഡ് ഗ്ലാസ് പാനലിങ് ചെയ്ത് ഭംഗിയാക്കി. വെള്ള നിറമാണ് പുറംഭിത്തികളിൽ. ഇതിന് വേർതിരിവേകുന്നത് പുറംഭിത്തിയിൽ ഒട്ടിച്ച ഗ്രേ നാച്ചുറൽ സ്റ്റോൺ ക്ലാഡിങ്ങാണ്. സ്ഥിരതാമസം ഇല്ലാത്തതിനാൽ പരിപാലനം കൂടി കണക്കിലെടുത്താണ് അകത്തളങ്ങൾ ചിട്ടപ്പെടുത്തിയത്.
![wayanad-home-view wayanad-home-view](https://img-mm.manoramaonline.com/content/dam/mm/mo/config-assets/mo-default.jpg)
ഒരുനിലയെങ്കിലും സീലിങ് ഹൈറ്റ് ഉപയോഗപ്പെടുത്തി മെസനൈൻ ഫ്ലോർ ഒരുക്കി രണ്ടുനിലയുടെ സൗകര്യം കൊണ്ടുവന്നിട്ടുണ്ട്. ഞങ്ങളുടെ പ്രിയപ്പെട്ട ഇടവും ഈ മെസനൈൻ ഫ്ളോറാണ്. ഹരിതാഭമായ എസ്റ്റേറ്റാണ് ചുറ്റിലും. പച്ചപ്പിന്റെ കാഴ്ചകൾ ഉള്ളിലിരുന്ന് ആസ്വദിക്കാൻ ധാരാളം ഗ്ലാസ് ജാലകങ്ങൾ ഉൾപ്പെടുത്തി. മെസനൈൻ നിലയിലെ ഗ്ലാസ് ജാലകത്തിലൂടെ നോക്കിയാൽ പച്ചപ്പിന്റെ വിദൂരദൃശ്യം ആസ്വദിക്കാം.
![wayanad-home-mezzanine wayanad-home-mezzanine](https://img-mm.manoramaonline.com/content/dam/mm/mo/config-assets/mo-default.jpg)
സിറ്റൗട്ട്, ലിവിങ്, ഡൈനിങ്, കിച്ചൻ, രണ്ടു കിടപ്പുമുറികൾ, ബാത്റൂം, മെസനൈൻ നില എന്നിവയാണ് 1740 ചതുരശ്രയടിയിൽ ഉൾക്കൊള്ളിച്ചത്.
![wayanad-home-stair wayanad-home-stair](https://img-mm.manoramaonline.com/content/dam/mm/mo/config-assets/mo-default.jpg)
ഡൈനിങ്- കിച്ചൻ ഓപ്പൺ തീമിലാണ്. വുഡ്+ ഗ്ലാസ് കോംബിനേഷനിലാണ് ഡൈനിങ് ടേബിൾ. എങ്കിലും കിച്ചനിലുള്ള ബ്രേക്ക്ഫാസ്റ്റ് കൗണ്ടറിലിരുന്ന് ഭക്ഷണം കഴിക്കാനാണ് ഞങ്ങൾക്ക് കൂടുതലിഷ്ടം. മറ്റൊരു ബ്ലോക്കിലായി വർക്കിങ് കിച്ചനും വർക്കേരിയയും ഒരുക്കിയിട്ടുണ്ട്. വിപുലമായ പാചകപരിപാടികൾക്ക് വേദി ഇതാണ്.
![wayanad-home-kitchen wayanad-home-kitchen](https://img-mm.manoramaonline.com/content/dam/mm/mo/config-assets/mo-default.jpg)
വെള്ള നിറത്തിന്റെ തെളിമയിൽ ലളിതമായാണ് രണ്ടു കിടപ്പുമുറികളും. പരിപാലനം കണക്കിലെടുത്ത് അധികം ഗിമ്മിക്കുകൾ ഒന്നുമില്ല. കാപ്പിത്തോട്ടത്തിലേക്ക് തുറക്കുന്ന ബേവിൻഡോകളാണ് കിടപ്പുമുറികളിലെ ഫേവറിറ്റ് കോർണർ.
![wayanad-home-bed wayanad-home-bed](https://img-mm.manoramaonline.com/content/dam/mm/mo/config-assets/mo-default.jpg)
വീടുപണി തുടങ്ങിയതിൽപിന്നെ ഒന്നോ രണ്ടോ പ്രാവശ്യമേ ഞങ്ങൾക്ക് ഇവിടേക്ക് തിരിഞ്ഞുനോക്കേണ്ടിവന്നുള്ളൂ. ഓരോ ഘട്ടവും വാട്സ്ആപ്- വിഡിയോ കോളുകൾ വഴിയാണ് വിലയിരുത്തിയത്. വിശ്വസിച്ചേൽപിക്കാവുന്ന ഡിസൈനറെയും കോൺട്രാക്ടറെയും ലഭിച്ചതാണ് അനുഗ്രഹമായത്.
Project facts
Location- Kalpetta, Wayanad
Area- 1740 Sq.ft
Owner- Manikandan
Design- Jagannivasan, Vishnu Prasad
Parambattu Builders, Malappuram
Y.C- 2023