വലിച്ചടുപ്പിക്കുന്ന ഭംഗി: ഈ വീടുകാണാൻ ആൾത്തിരക്ക്; എത്ര കണ്ടാലും മതിവരില്ല
![meghamalhar-palakkad-night meghamalhar-palakkad-night](https://img-mm.manoramaonline.com/content/dam/mm/mo/homestyle/dream-home/images/2024/7/18/meghamalhar-palakkad-night.jpg?w=1120&h=583)
Mail This Article
പാലക്കാട് ചെർപ്പുളശ്ശേരിയിലാണ് ഡോക്ടർ ദമ്പതികളുടെ ഈ സ്വപ്നഭവനം. ചൂട് കൂടുതലുള്ള ജില്ലയിൽ മഴയുടെ രാഗത്തിലുള്ള വീട് (മേഘമൽഹാർ എന്നാണ് വീടിന്റെ പേര്). സമകാലിക ശൈലിക്കൊപ്പം കാലാവസ്ഥയെ പരിഗണിച്ച് ട്രോപ്പിക്കൽ ഘടകങ്ങളും എലിവേഷനിൽ ഹാജരുണ്ട്. ബോക്സ് ആകൃതിയിലുള്ള എലിവേഷനിൽ ജിഐ ലൂവറുകൾ വേർതിരിവേകുന്നു. ചരിഞ്ഞ സിംഗിൾ റൂഫും എലിവേഷനിലെ താരമാണ്.
![meghamalhar-palakkad-side meghamalhar-palakkad-side](https://img-mm.manoramaonline.com/content/dam/mm/mo/config-assets/mo-default.jpg)
കൃത്യമായ ആകൃതിയില്ലാത്ത ഏറ്റക്കുറച്ചിലുകളുള്ള 15 സെന്റിൽ അത്യാവശ്യം മുറ്റംനൽകി പിന്നിലേക്കിറക്കിയാണ് വീടിന് സ്ഥാനം കണ്ടത്. മുറ്റം താന്തൂർ സ്റ്റോൺ വിരിച്ചു. കലാത്തിയ അടക്കമുള്ള ചെടികൾ ലാൻഡ്സ്കേപ് അലങ്കരിക്കുന്നു.
![meghamalhar-palakkad-front meghamalhar-palakkad-front](https://img-mm.manoramaonline.com/content/dam/mm/mo/config-assets/mo-default.jpg)
കാർപോർച്ച്, സിറ്റൗട്ട്, ലിവിങ്, ഡൈനിങ്, കിച്ചൻ, വർക്കേരിയ, നാലു കിടപ്പുമുറികൾ, ഓഫിസ്, ബാൽക്കണി എന്നിവയാണ് 2750 ചതുരശ്രയടിയിൽ ചിട്ടപ്പെടുത്തിയത്.
![meghamalhar-palakkad-living meghamalhar-palakkad-living](https://img-mm.manoramaonline.com/content/dam/mm/mo/config-assets/mo-default.jpg)
സെമി-ഓപൺ നയത്തിൽ ഒരുക്കിയതിനാൽ ഇടങ്ങൾ തമ്മിൽ വിനിമയം ചെയ്യുന്നുണ്ട്. ഡബിൾഹൈറ്റ് സ്പേസുകളുടെ സമൃദ്ധിയാണ് വീടിനുള്ളിൽ വിശാലത നിറയ്ക്കുന്നത്. വീട്ടിൽ പലയിടങ്ങളിലും കോൺക്രീറ്റ് സീലിങ്ങിന്റെ സ്വാഭാവികത കാണാം.
![meghamalhar-palakkad-deck meghamalhar-palakkad-deck](https://img-mm.manoramaonline.com/content/dam/mm/mo/config-assets/mo-default.jpg)
ജിഐ ഫ്രയിമിൽ സോളിഡ് വുഡ് പ്ലാങ്ക് വിരിച്ചാണ് സ്റ്റെയർ. കൈവരികളായി വുഡൻ പൈപ്പിങ് നൽകി. മുകൾനിലയിലെ ഇടങ്ങളെ കണക്ട് ചെയ്യുന്നത് വുഡൻ ടൈൽ വിരിച്ച നീളൻ കോറിഡോറാണ്.
![meghamalhar-palakkad-window meghamalhar-palakkad-window](https://img-mm.manoramaonline.com/content/dam/mm/mo/config-assets/mo-default.jpg)
ലിവിങ്ങിന്റെ ഡബിൾഹൈറ്റ് ചുവരിൽ നൽകിയ കിളിവാതിൽ മറ്റൊരു കൗതുകമാണ്. ഇതുവഴി താഴെയുള്ള നില കാണാൻ പ്രത്യേക ഭംഗിയാണ്.
![meghamalhar-palakkad-dine meghamalhar-palakkad-dine](https://img-mm.manoramaonline.com/content/dam/mm/mo/config-assets/mo-default.jpg)
വുഡൻ ടേബിളും കുഷ്യൻ കസേരകളുമാണ് ഡൈനിങ്ങിലുള്ളത്.
![meghamalhar-palakkad-kitchen meghamalhar-palakkad-kitchen](https://img-mm.manoramaonline.com/content/dam/mm/mo/config-assets/mo-default.jpg)
പുതിയകാല സൗകര്യങ്ങൾ സമ്മേളിക്കുന്ന കിച്ചൻ. മറൈൻ പ്ലൈ+ ലാമിനേറ്റ് ഫിനിഷിലാണ് ക്യാബിനറ്റ്. കൗണ്ടറിൽ നാനോവൈറ്റ് വിരിച്ചു. കിച്ചൻ സീലിങ് എക്സ്പോസ്ഡ് കോൺക്രീറ്റ് ഫിനിഷിൽ നിലനിർത്തിയത് ശ്രദ്ധേയമാണ്.
![meghamalhar-palakkad-bed meghamalhar-palakkad-bed](https://img-mm.manoramaonline.com/content/dam/mm/mo/config-assets/mo-default.jpg)
ലളിതസുന്ദരമാണ് കിടപ്പുമുറികൾ. സിമന്റ് ഫിനിഷിലുള്ള സീലിങ് ശ്രദ്ധേയമാണ്. നാച്ചുറൽ ലൈറ്റ് സമൃദ്ധമായി ലഭിക്കുംവിധം ജാലകങ്ങളൊരുക്കി. മുകളിലെ കിടപ്പുമുറിക്ക് ബാൽക്കണിയുമുണ്ട്.
![meghamalhar-palakkad-stair meghamalhar-palakkad-stair](https://img-mm.manoramaonline.com/content/dam/mm/mo/config-assets/mo-default.jpg)
കാറ്റിന്റെയും വെളിച്ചത്തിന്റെയും ദിശയനുസരിച്ച് ഒരുക്കിയതിനാൽ പാലക്കാടൻ ചൂടിലും പകൽസമയത്ത് ലൈറ്റും ഫാനും ഇടേണ്ട ആവശ്യം വരുന്നില്ല.
Project facts
Location- Cherpulassery, Palakkad
Plot- 15 cent
Area- 2750 Sq.ft
Owner- Dr. Aneesh M, Dr. Sariga
Architects- Sarath Mohan, Swaroop Abraham
T Square Architects, Calicut
Y.C- 2023