റബർ വില ഉയരുന്നു

കോട്ടയം ∙ റബർ വില വീണ്ടും ഉയരുന്നു. ഇന്നലെ കോട്ടയം വിപണിയിൽ റബർ ഷീറ്റ് വില കിലോഗ്രാമിന്  153 രൂപയായി . റബർ ബോർഡ് നിശ്ചയിച്ച വില 150 രൂപയായും ഉയർന്നു. കഴിഞ്ഞ ദിവസം 146 രൂപയായിരുന്ന ആർഎസ്എസ് 4 ന്റെ റബർ ബോർഡ് വിലയാണ് 150 രൂപയായത്. ആർഎസ്എസ് 5ന് 147 രൂപയായി. ഷീറ്റ് റബറിന്റെ ദൗർലഭ്യം കാരണം വില ഇനിയും ഉയരുമെന്നാണ് വ്യാപാരികൾ പറയുന്നത്. റബർ സഹകരണ സംഘങ്ങൾ 152 രൂപയ്ക്കാണ് വിൽപന നടത്തിയത്.