മനോരമ ഹോർത്തൂസ് വെബ്സൈറ്റ് തുറന്നു

മലയാള മനോരമ ഹോർത്തൂസ് രാജ്യാന്തര സാഹിത്യ സാംസ്കാരികോത്സവത്തിന്റെ വെബ്സൈറ്റ് മാനേജിങ് എഡിറ്റർ ജേക്കബ് മാത്യു പ്രകാശനം ചെയ്തു. എഡിറ്റോറിയൽ ഡയറക്ട‌ർ ജോസ് പനച്ചിപ്പുറം പ്രസംഗിച്ചു.

മനോരമ ഹോർത്തൂസ് വെബ് മേൽവിലാസം: manoramahortus.com

സാംസ്കാരികോത്സവത്തിന്റെ ഭാഗമായി ഇതുവരെ നടത്തിയ പരിപാടികളുടെ ചിത്രങ്ങൾ, വിഡിയോ, വാർത്തകൾ എന്നിവ സൈറ്റിൽ ലഭ്യമാണ്. ഹോർത്തൂസിന്റെ വിശേഷങ്ങളും പങ്കെടുക്കുന്ന സാംസ്കാരിക - സാഹിത്യ പ്രതിഭകളെക്കുറിച്ചുള്ള വിവരങ്ങളും ഇനിയുള്ള ദിവസങ്ങളിൽ വെബ്സൈറ്റിൽ ലഭ്യമാകും. നവംബർ 1, 2, 3 തീയതികളിൽ കോഴിക്കോട് ബീച്ചിലാണ് മനോരമ ഹോർത്തൂസ് സാഹിത്യ, സാംസ്കാരികോത്സവം. സംവാദങ്ങൾക്കും കലാപരിപാടികൾക്കും പുറമേ ഇംഗ്ലിഷ്, മലയാള പുസ്തകോത്സവവും ഇതിന്റെ ഭാഗമാണ്.

നവംബറിലെ പരിപാടിയിൽ പങ്കെടുക്കുവാൻ ആഗ്രഹിക്കുന്നവർക്ക് വെബ്സൈറ്റ് സന്ദർശിച്ച് പേരുകൾ മുൻകൂട്ടി റജിസ്റ്റർ ചെയ്യാം.

മനോരമ ഹോർത്തൂസ് രാജ്യാന്തര സാഹിത്യ, സാംസ്കാരികോത്സവം 2024 നവംബർ 1 മുതൽ 3 വരെ കോഴിക്കോട് ബീച്ചിൽ നടക്കും. സാന്റാമോണിക്ക, ജെയിൻ യൂണിവേഴ്സിറ്റി തുടങ്ങിയവരാണ് പ്രായോജകർ.