മഴപ്പാച്ചിൽ – പ്രദീപ് പുതിയെടുത്ത് എഴുതിയ കവിത

അറിയാതെ പോയ മഴ പറയാതെ വന്നൊരു 

പെരുമഴയായി.. പിന്നെ മഴപ്പാച്ചിലായി 

മുണ്ട..ക്കൈവിട്ട പ്രകൃതി തൻ 

താണ്ഡവം പാതിരാവിൽ-

ഉറ്റവരെങ്ങോ ഉടയവരെങ്ങോ...

ഉറ്റവരെങ്ങോ ഉടയവരെങ്ങോ 

കാണാമറയത്തായി 
 

ഉരുൾ പൊട്ടിയൊഴുകി ഹരിതസുന്ദരി 

ആർദ്രമാം മിഴികളിൽ മൺപുതച്ചുറങ്ങി 

ഉള്ളുപൊട്ടിയൊഴുകിയ 

വിങ്ങലോർത്തെടുത്തിടാൻ 

ആരോരുമില്ലാതെ പോയി.. ആ രാത്രി-

ആരോരുമറിയാതെ പോയി 
 

ഒരു പകൽവെട്ടത്തിലവർ പങ്കിട്ട-

വിലാസങ്ങൾ.. ആറടിമണ്ണിൽ-

എരിഞ്ഞമർന്നപ്പോൾ 

മധുര സ്വപ്‌നങ്ങൾ മഴയിലലിഞ്ഞു 

സ്‌മൃതികളിൽ ചേർക്കുവാനാ....

മനസ്സും മണ്ണിലലിഞ്ഞു