നീ പിഴുതെറിഞ്ഞൊരെൻ മോഹവള്ളി – ശ്രീപദം എഴുതിയ കവിത

നീ പിഴുതെറിഞ്ഞൊരെൻ മോഹവള്ളിയാണീ 

പാതയോരത്ത് വാടിക്കിടന്നതുമേതോ 

വഴിപ്പോക്കനെന്ന് തോന്നിച്ചൊരാൾ

മഴയായി വന്നതും തണലായി നിന്നതും....

തൂമഞ്ഞിൻ പുതപ്പാലേ മൂടിപ്പുതച്ചതും
 

ഹിമകണങ്ങളെന്നിൽ തട്ടിത്തെറിപ്പിച്ചെ-

ന്നുടലാകെയാരോ പുളകിതമാക്കിയും..

കുളിർക്കാറ്റായി വീശിയെൻ 

സ്വപ്നലതയിലെ പൂമണമൊന്നാകെ

കവർന്നെടുത്തും കൊണ്ടെങ്ങോ മറയും 

ചോരനായ് നിന്നതും....
 

സ്വപ്നങ്ങൾ നരച്ച കണ്ണിൻ തടങ്ങളിൽ 

ബഹുവർണ്ണചിത്രങ്ങൾ വാരിവിതറിയും...

നേർത്തു മിടിക്കുമെൻ നെഞ്ചകത്തിലൊരു

കൂടൊന്ന് കൂട്ടാനായ് കാത്തിരിക്കുന്നതും..

മരവിച്ച സ്വപ്നങ്ങൾക്ക് കൂട്ടിനായെന്റെ 

മനസിന്റെ ഓരത്ത് തീ കാഞ്ഞിരിപ്പവൻ....