കണ്ണുനീരിന്റെ ഉപ്പുരസം – ഹിസാന ജാസ്മിൻ എഴുതിയ കവിത

കണ്ണുനീരിന്റെ ഉപ്പുരസം 

കൊണ്ട് നനഞ്ഞു കുതിർന്ന 

കടലാസുതുണ്ടിനും....

മഷിപടർന്ന അക്ഷരക്കൂട്ടങ്ങൾക്കും 

ഒരു കഥ പറയാനുണ്ടാവാം....

ചിരിയലയുടെ മുഴങ്ങിക്കേൾക്കുന്ന 

ധ്വനികളിൽ മുങ്ങിത്താഴ്ന്നുപോയ 

ആ പായ്കപ്പൽ ആരും കണ്ടില്ല.....
 

ഇരുളിൽ പതിഞ്ഞ തേങ്ങലുകൾ 

സ്ഥാനം പിടിച്ചപ്പോഴും 

നിത്യ പ്രകാശം പോലെ ജ്വലിച്ചു 

നിന്നു അവളുടെ ഓരോ പകലും...

പൊയ്മുഖം അണിഞ്ഞു 

നിറഞ്ഞാടുന്ന ആ കവിൾത്തടങ്ങളിലെ 

കണ്ണുനീർ നനവിനെ ഒളിപ്പിക്കാൻ 

പൊരുതി നേടിയെടുത്തവൾ....

കാർമേഘ കൂട്ടങ്ങളുമായി 

ഉള്ളിൽ ഒരു കടൽ ആഞ്ഞടിക്കുമെങ്കിലും...
 

ആ കാറ്റിലും ഉലയാതെ തളരാതെ 

അവളുടെ കണ്ണുകൾ ഹൃദയത്തിൻ 

വഴികാട്ടിയായി....

തനിയെ എരിഞ്ഞുതീരുമ്പോഴും 

ചുറ്റും ശീതം വിതയ്ക്കാൻ 

മറന്നില്ലവൾ......

വസന്തകാലത്തിന്റെ ഓർമ്മയ്ക്ക് 

അവളൊരു തെളിഞ്ഞ വാനം 

ഒരിക്കിയിരുന്നു അവളിൽ തന്നെ....