ഗ്രാമം – ബീന ബിനു എഴുതിയ കവിത

നാടും നഗരവും ദൂമ മേഘങ്ങളാൽ നിറഞ്ഞു

കൈതോടുകൾ കാണ്മതില്ല

കാവുകൾതോറും ചിരാതുകളില്ല

വയലേലകൾതോറും കിളികളില്ല
 

ചീവീടുകരയുന്ന വീചിയില്ല

കാറ്റിൻചേറിൻ സുഗന്ധവും

നെൽക്കതിരിൻ സ്വർണകാന്തിയില്ല

കൈവണ്ടിയോടും തെരുവോരമില്ല
 

വയലേലകൾതോറും കിടാത്തി ഇല്ല

നഗരവൽകരണം കൊടുമ്പിരികൊള്ളുന്നു

മലിനമാകുന്നു എന്റെ വീഥികൾ

എവിടെ എൻ ഗ്രാമസൗകുമാര്യം
 

ഇനി എന്റെ ഗ്രാമം നശിക്കുമോ

ഇനിവരും പുസ്തകത്താളിൽ

ചിത്രങ്ങളാകുമോ എന്റെ ഗ്രാമം