കലാഭവന്‍ നവാസിന്‍റെയും രഹ്നയുടെയും മകള്‍ അഭിനയരംഗത്തേയ്ക്ക്
Mail This Article
പ്രശസ്ത നടന്‍ കലാഭവന്‍ നവാസിന്‍റെയും നടി രഹ്നയുടെയും മകള്‍ അഭിനയരംഗത്തേയ്ക്ക്. ജയ് ജിഥിന്‍ പ്രകാശ് സംവിധാനം ചെയ്യുന്ന 'കണ്‍ഫഷന്‍സ് ഓഫ് എ കുക്കൂ' എന്ന ചിത്രത്തിലെ നായികാവേഷത്തിലൂടെയാണ് നഹറിന്‍ നവാസ് അഭിനയവേദിയിലേയ്ക്ക് എത്തിയിരിക്കുന്നത്.
അനാഥാലയത്തിൽ താമസിക്കുന്ന കൗമാരപ്രായത്തിലുള്ള രണ്ട് പെണ്‍കുട്ടികളുടെ ജീവിതകഥയാണ് ഈ ചിത്രത്തിലൂടെ പറയുന്നത്. നസീമ എന്ന കഥാപാത്രത്തെയാണ് നഹറിന്‍ നവാസ് അവതരിപ്പിക്കുന്നത്. ശ്രദ്ധേയമായ കുറെ കഥാപാത്രങ്ങളെ മലയാളസിനിമയില്‍ അവതരിപ്പിച്ചിട്ടുള്ള അബൂബക്കര്‍ എന്ന നടന്‍റെ മകനാണ് നവാസ്. ഇപ്പോള്‍ അദ്ദേഹത്തിന്‍റെ കൊച്ചുമകളും പാരമ്പര്യത്തിലൂടെ അഭിനയരംഗത്തെത്തിയിരിക്കുന്നു എന്ന പ്രത്യേകതയുമുണ്ട്. നഹറിന്‍റെ അമ്മ രഹ്നയും അഭിനയരംഗത്ത് ശ്രദ്ധിക്കപ്പെട്ട നടിയായിരുന്നു.
നടി ദുർഗകൃഷ്ണയാണ് കണ്‍ഫഷന്‍സ് ഓഫ് എ കുക്കൂ എന്ന സിനിമയിലെ മറ്റൊരു നായിക. കഥ ദിനേശ് നീലകണ്ഠൻ. എഡിറ്റിങ് ടിനു. ഒടിടി പ്ലാറ്റ്ഫോം ആയ പ്രൈം റീൽസിലൂടെ ചിത്രം റിലീസിനെത്തും.
