‘നിങ്ങൾക്ക് ഒരു ട്രോളൻ ചേട്ടൻ ഉണ്ടായാൽ’; ചേട്ടന്റെ ട്രോളിന് മഞ്ജു വാരിയരുടെ മറുപടി

മഞ്ജു വാരിയര്‍ സൈക്കിൾ സ്‌ലോ റേസ് നടത്തുന്ന വിഡിയോ പങ്കുവച്ച് സഹോദരൻ മധു വാരിയർ. വെറും വിഡിയോയല്ല രസികൻ ട്രോൾ വിഡിയോ. വിഡിയോയുടെ പശ്ചാത്തലത്തിൽ കുതിരവട്ടം പപ്പുവിന്റെ പ്രശസ്തമായ ‘പടച്ചോനേ ഇങ്ങള് കാത്തോളീ’ എന്ന സംഭാഷണശകലവും കേൾക്കാം.

‘‘നിങ്ങൾക്ക് ഒരു ട്രോളൻ ചേട്ടൻ ഉണ്ടായാൽ’’ എന്ന അടിക്കുറിപ്പോടെ മഞ്ജുവും വിഡിയോ ഷെയർ ചെയ്തിട്ടുണ്ട്. രസകരമായ കമന്റുകളാണ് വിഡിയോയ്ക്കു ലഭിക്കുന്നത്. ബിഎംഡബ്ലു ബൈക്ക് പോലും പറപ്പിക്കുന്ന മഞ്ജുവിന് സൈക്കിളൊക്കെ നിസാരം എന്നായിരുന്നു ആരാധകർ അഭിപ്രായപ്പെട്ടത്.

അജിത്തിനൊപ്പം അഭിനയിച്ച തമിഴ് ചിത്രം തുനിവ്, ആയിഷ, വെള്ളരിപട്ടണം എന്നിവയാണ് അടുത്തിടെ തിയറ്ററുകളിലെത്തിയ മഞ്ജുവിന്റെ ചിത്രങ്ങൾ.