ബോൾഡ് ആയി നടി പായൽ രജ്പുത്; ‘മംഗൾവാരം’ ട്രെയിലർ

നടി പായൽ രജ്പുത് ബോള്‍ഡ് അവതാരത്തിലെത്തുന്ന തെലുങ്ക് ചിത്രം ‘മംഗൾവാരം’ ട്രെയിലർ എത്തി. ‘ആർഎക്സ് ഹണ്ട്രഡ്’ എന്ന തെലുങ്ക് ചിത്രത്തിനു ശേഷം സംവിധായകൻ അജയ് ഭൂപതിയും നടി പായൽ രജ്പുത്തും വീണ്ടും ഒന്നിക്കുന്ന സിനിമ മലയാളത്തിൽ ‘ചൊവ്വാഴ്ച’ എന്ന പേരിൽ റിലീസ് ചെയ്യുന്നു

ചിത്രത്തിൽ ശൈലജ എന്ന കഥാപാത്രമായാണ് പായൽ എത്തുന്നത്. തൊണ്ണൂറ് കാലഘട്ടത്തിൽ നടക്കുന്ന വില്ലേജ്–ആക്‌ഷൻ ത്രില്ലറാകും മംഗൾവാരം. തമിഴിൽ ചെവ്വൈകിഴമൈ എന്ന പേരുള്ള ചിത്രം, കന്നഡ, തമിഴ്, തെലുങ്ക്, മലയാളം ഭാഷകളില്‍ ചിത്രം റിലീസ് ചെയ്യും. നന്ദിത ശ്വേത, ദിവ്യ പിള്ള, അജ്മൽ അമീർ, രവിന്ദ്ര വിജയ്, അജയ് ഘോഷ് എന്നിവരും പ്രധാന വേഷങ്ങളിലെത്തുന്നു.

കാന്താര ഫെയിം അജനീഷ് ലോക്നാഥ് ആണ് സംഗീതം. പുളകം ചിന്നരായ, ഡിജിറ്റൽ മാർക്കറ്റിങ്: ട്രെൻഡി ടോളി (തനയ് സൂര്യ),ടോക്ക് സ്കൂപ്പ്. 

പഞ്ചാബ് സ്വദേശിയായ പായൽ രജ്പുത് ടെലിവിഷൻ രംഗത്തുനിന്നാണ് സിനിമയിലെത്തുന്നത്. ആർഎക്സ് ഹണ്ട്രഡ് എന്ന ചിത്രമാണ് നടിയെ തെന്നിന്ത്യയിൽ ശ്രദ്ധേയയാക്കിയത്. ചിത്രത്തില്‍ അതീവ ഗ്ലാമറസ്സായാണ് നടി പ്രത്യക്ഷപ്പെട്ടത്. പിന്നീട് റിലീസ് ചെയ്ത ആർഡിഎക്സ് ലൗ എന്ന സിനിമയിലും പായലിന്റെ ഗ്ലാമർ പ്രകടനം ആരാധകരെ കൂട്ടി.