ലോനപ്പാ...ഒന്നോണാവപ്പാ... ജനപ്രിയനായി ജയറാം; മറ്റൊരാളില്ലെന്ന് ആരാധകർ

ജയറാം നായകനായി എത്തുന്ന ലോനപ്പന്റെ മാമ്മോദീസയിലെ പുതിയ ഗാനം എത്തി. 'ലോനപ്പാ ഒന്നോണാവപ്പ' എന്ന ഗാനത്തിന്റെ മെയ്ക്കിങ് വിഡിയോയാണ് എത്തിയത്. ന്യൂ ജെൻ ഗാനത്തിനു വേണ്ട എല്ലാ ചേരുവകളും ചേർത്താണു ഗാനം എത്തുന്നത്. അൽഫോൺസിന്റെ സംഗീതം. ജാസി ഗിഫ്റ്റാണു ഗാനം ആലപിച്ചിരിക്കുന്നത്. അൽഫോൺസിന്റെതാണു സംഗീതം. ജോഫി തരകന്റെതാണു വരികൾ. 

തികച്ചും വ്യത്യസ്തമായ രീതിയിൽ ഒരുക്കിയിരിക്കുന്ന സംഗീതം ഗാനത്തെ മികച്ചതാക്കുന്നു. വർഷങ്ങൾക്കു ശേഷം ജാസി ഗിഫ്റ്റ് ആലപിക്കുന്നു എന്ന പ്രത്യേകതയും ഗാനത്തിനുണ്ട്. ലോനപ്പൻ എന്ന കഥാപാത്രത്തെ പ്രേക്ഷകർക്കു പരിചയപ്പെടുത്തുന്നതാണു ഗാനം. ചിത്രത്തിലെ ഗാനങ്ങളെല്ലാം തന്നെ ഇതിനോടകം പ്രേക്ഷക ശ്രദ്ധ നേടിക്കഴിഞ്ഞു. 

മികച്ച പ്രതികരണമാണു ഗാനത്തിനു ലഭിക്കുന്നത്. ജയറാമിന്റെ മികച്ച കുടുംബ കഥാപാത്രമാണ് ലോനപ്പന്റെ മാമ്മോദീസയിലേതാണെന്നാണു ചിലരുടെ വിലയിരുത്തൽ. ജോജു ജോർജ്, ദിലീഷ് പോത്തൻ, ശാന്തികൃഷ്ണ, കനിഹ, നിഷ സാരംഗ് എന്നിവരും ചിത്രത്തിൽ പ്രധാന വേഷത്തിൽ എത്തുന്നു. തീയറ്ററുകളിൽ മികച്ച പ്രതികരണം നേടി മുന്നേറുകയാണ് ചിത്രം.