പ്രഭുദേവയ്ക്കു മുന്നിൽ കുട്ടികളായി ധനുഷും സായി പല്ലവിയും; റൗഡി ബേബി മേക്കിങ് വിഡിയോ

ധനുഷും സായി പല്ലവിയും തകർത്താടിയ മാരി 2–വിലെ റൗഡി ബേബി എന്ന ഗാനത്തിന്റെ മേക്കിങ് വിഡിയോ റിലീസ് ചെയ്തു. പാട്ടിന്റെ കൊറിയോഗ്രാഫർ പ്രഭുദേവയാണ്. ധനുഷിനെ വെല്ലുന്ന പ്രകടനമാണ് ഗാനത്തിൽ സായി പല്ലവിയുടേത്. സോഷ്യൽ മീഡിയയിലും യൂട്യൂബിലും 'റൗഡി ബേബി' തരംഗമാണ്.

സമീപകാലത്തെ സകല റെക്കോർഡുകളും തകർത്താണ് റൗഡി ബേബിയുടെ മുന്നേറ്റം എന്നാണ് വിലയിരുത്തൽ. തെന്നിന്ത്യൻ ഭാഷകളിൽ ഏറ്റവും കൂടുതൽ ആളുകൾ കണ്ടഗാനമായും റൗഡി ബേബി മാറി. 

ധനുഷും ദീയും ചേർന്നാണു ഗാനം ആലപിച്ചിരിക്കുന്നത്. ധനുഷിന്റെ തന്നെയാണു വരികൾ. യുവൻ ശങ്കർ രാജയുടെ മികച്ച സംഗീതം ഗാനത്തിനു മാറ്റുകൂട്ടി.