അനു സിത്താരയ്ക്ക് കാവ്യയുടെ ഛായയുണ്ടോ? ഈ താരജോഡി സൂപ്പർ!
Mail This Article
പ്രണയത്തിന്റെ മനോഹാരിതയും ജീവിതത്തിന്റെ പച്ചപ്പുമായി എത്തുകയാണ് ‘ശുഭരാത്രി’യിലെ ‘അനുരാഗ കിളിവാതിൽ’ എന്ന ഗാനം. ബി.കെ. ഹരിനാരായാണന്റെതാണു വരികൾ. ഹരിശങ്കറും സംഗീത ശ്രീകാന്തും ചേർന്നാണു ഗാനം ആലപിച്ചിരിക്കുന്നത്. ബിജിബാലാണ് സംഗീതം.
‘അനുരാഗ കിളിവാതിൽ ചാരത്തെ
മഴവില്ലിൻ ചിറകോലും പ്രാവേ
മിഴിവാതിൽ തരിപോലും ചാരാതെ
ഇരവത്തും പകലത്തും കാത്തൂ നീ’
പ്രണയം നിറയുന്ന വരികളും ഇമ്പമാർന്ന ആലാപനവും ഗാനത്തെ കൂടുതൽ മനോഹരമാക്കുന്നു. ദിലീപും അനുസിത്താരയും പ്രധാന വേഷത്തിലെത്തിയ ചിത്രമാണ് ‘ശുഭരാത്രി’. മികച്ച പ്രതികരണം നേടി മുന്നേറുകയാണ് ഗാനം.
ഗാനരംഗങ്ങളില്‍ അനുസിത്താരയെയും ദിലീപിനെയും കാണുമ്പോൾ പഴയ ദിലീപ്–കാവ്യ താര ജോഡികളെ ഓർമവരുന്നു എന്നാണ് ആരാധകരുടെ പ്രതികരണം. നിലവില്‍ മുന്നുലക്ഷത്തോളം പേർ കണ്ട ഗാനം യൂട്യൂബ് ട്രെൻഡിങ്ങിലും ഇടംനേടി. സിദ്ദിഖ്, സുരാജ് വെഞ്ഞാറമൂട്, അജു വർഗീസ്, നെടുമുടി വേണു, ഇന്ദ്രൻസ്, സായ്കുമാർ, നാദിർഷാ, ഹരീഷ് പേരടി, വിജയ് ബാബു, കെപിഎസി ലളിത, ശാന്തി കൃഷ്ണ, ആശ ശരത്ത്, സ്വാസിക എന്നിങ്ങനെ വൻതാരനിര തന്നെ ചിത്രത്തിൽ അണിനിരക്കുന്നു. വ്യാസൻ കെ.പിയാണു ചിത്രത്തിന്റെ സംവിധാനം.
