വിരഹം നിറച്ച് ലവ് സീനിലെ ഗാനം; വിനീതിന്റെ ശബ്ദം വേറെ ലെവലെന്ന് ആരാധകർ

നൂറ്റിയൊന്നു പുതുമുഖങ്ങളെ അണിനിരത്തി മുസ്തഫ ഗട്ട്‌സ് സംവിധാനം ചെയ്യുന്ന ലവ് സീനിലെ ആദ്യ ഗാനം യുട്യൂബിലെത്തി. കൃഷ്ണകുമാർ വർമ രചിച്ച ‘എന്താണീ മൗനം...’ എന്ന ഗാനമാണ് റിലീസ് ചെയ്തിരിക്കുന്നത്. പുതുമുഖ താരമായ ജ്യോതിഷ്്  ജോയും കൃഷ്ണ പ്രിയയുമാണ് ചിത്രത്തിൽ കേന്ദ്രകഥാപാത്രങ്ങളെ അവതരിപ്പിക്കുന്നത്.

ആവർത്തിച്ചു കേൾക്കാൻ തോന്നിപ്പിക്കുന്ന വരികളും ഈണവുമാണ് ഗാനത്തിനെന്ന് ആസ്വാദകർ പറയുന്നു. ഹിഷാം അബ്ദുൾ വഹാബ് ഈണം പകർന്ന ഗാനം ആലപിച്ചിരിക്കുന്നത്  വിനീത് ശ്രീനിവാസനാണ്. വിനീതിന്റെ ശബ്ദം പാട്ടിനെ വേറെ തലത്തിലേക്കുയർത്തിയെന്നാണ് ആരാധകരുടെ പക്ഷം. രണ്ടു ഗാനങ്ങളാണ് ചിത്രത്തിൽ വിനീത് ആലപിച്ചിരിക്കുന്നത്. 

ഗാനം റിലീസ് ചെയ്തതിനൊപ്പം ചിത്രങ്ങളിലെ പുതുമുഖതാരങ്ങള്‍ക്ക് പിന്തുണ അറിയിച്ച് നിരവധി പേർ രംഗത്തെത്തി. നടൻ ദിലീപിന്റെ ഫെയ്സ്ബുക്ക് പേജി ലൂടെ റിലീസ് ചെയ്ത ഗാനത്തിന് മികച്ച പ്രതികരണമാണ് ലഭിച്ചിരിക്കുന്നത്. സന്തോഷ് കീഴാറ്റൂർ, നീന കുറുപ്പ്്, ശിവജി ഗുരുവായൂർ എന്നിവരാണ് മറ്റ്  പ്രധാന കഥാപാത്രങ്ങളെ അവതരിപ്പിക്കുന്നത്.