ഹൃദയം തൊട്ട് ജ്യോത്സ്നയുടെ പാട്ട്, ഒപ്പം റാൽഫിന്റെ ഈണവും; വിഡിയോ

ഗായിക ജ്യോത്സ്ന ഒരുക്കിയ പുതിയ കവർ ഗാനം ആരാധഹൃദയങ്ങൾ കീഴടക്കുന്നു. ‘സിംഫണി’ ചിത്രത്തിലെ ‘ചിത്രമണിക്കാട്ടിൽ’ എന്ന സൂപ്പര്‍ഹിറ്റ് പാട്ടിനാണ് ജ്യോത്സ്നയുടെ കവർ പതിപ്പ്. കൈതപ്രം ദാമോദരൻ നമ്പൂതിരിയുടെ വരികള്‍ക്ക് ദീപക് ദേവ് ഈണം പകർന്ന ഗാനമാണിത്. സിനിമയ്ക്കു വേണ്ടി കെ.എസ്.ചിത്രയും പി.ജയചന്ദ്രനും ചേർന്നു ഗാനം ആലപിച്ചു. 

ജ്യോത്സ്നയുടെ കവർ പതിപ്പ് ഇതിനകം നിരവധി പ്രേക്ഷകരെ നേടിക്കഴിഞ്ഞു. മികച്ച പ്രതികരണങ്ങളാണു ലഭിക്കുന്നത്. ജ്യോത്സ്നയുടെ ഹൃദ്യമായ ആലാപനം കേൾവിക്കാരെ പിടിച്ചിരുത്തുന്നുവെന്നാണ് ആസ്വാദകപക്ഷം. റാൽഫിൻ സ്റ്റീഫൻ ആണ് കവർ ഗാനത്തിനു വേണ്ടി പിയാനോയിൽ ഈണമൊരുക്കിയത്.