പ്രണയിച്ച് ഹണി റോസും ലക്ഷ്മി മഞ്ജുവും; മോൺസ്റ്ററിലെ മനോഹര ഗാനം

മോഹൻലാൽ ചിത്രം മോൺസ്റ്ററിലെ പുതിയ ഗാനം പ്രേക്ഷകർക്കരികിൽ. ‘ഹൈ ഓൺ ഡിസൈർ’ എന്ന പേരിലൊരുക്കിയ പാട്ടിന് ദീപക് ദേവ് ആണ് ഈണമൊരുക്കിയത്. ജോർജ് പീറ്റർ വരികൾ കുറിച്ച ഗാനം സയനോര ഫിലിപ് ആലപിച്ചിരിക്കുന്നു. 

ചിത്രത്തിലെ പ്രധാന താരങ്ങളായ ഹണി റോസും മഞ്ജു ലക്ഷ്മിയും തമ്മിലുള്ള പ്രണയരംഗങ്ങളാണു ഗാനരംഗത്തിൽ അവതരിപ്പിച്ചിരിക്കുന്നത്. പാട്ട് ചുരുങ്ങിയ സമയം കൊണ്ട് പ്രേക്ഷകശ്രദ്ധ നേടിക്കഴിഞ്ഞു. മികച്ച പ്രതികരണങ്ങളാണു ലഭിക്കുന്നത്. ചിത്രത്തിലെ നേരത്തേ പുറത്തിറങ്ങിയ പാട്ടുകളും ആസ്വാദകശ്രദ്ധ നേടിയിരുന്നു. 

പുലിമുരുകനു ശേഷം മോഹന്‍ലാലിനെ നായകനാക്കി വൈശാഖ് സംവിധാനം ചെയ്ത ചിത്രമാണ് ‘മോൺസ്റ്റർ’. സിദ്ദീഖ്, ലെന, ഇടവേള ബാബു എന്നിവർ മറ്റു പ്രധാന വേഷങ്ങളിലെത്തുന്നു. ആന്റണി പെരുമ്പാവൂർ ചിത്രം നിർമിച്ചിരിക്കുന്നു.