ഹൃദയം തൊടും മെലഡിയുമായി പാർട്നേഴ്സ്; ‘കിനാവ് മേഞ്ഞൊരു കൂട്’ ശ്രദ്ധേയം
![kinavu-menja-song ‘കിനാവ് മേഞ്ഞൊരു കൂട്’ എന്ന ഗാനരംഗത്തിൽ നിന്ന്.](https://img-mm.manoramaonline.com/content/dam/mm/mo/music/music-news/images/2024/7/12/kinavu-menja-song.jpg?w=1120&h=583)
Mail This Article
ധ്യാന് ശ്രീനിവാസന്, കലാഭവൻ ഷാജോൺ എന്നിവർ മുഖ്യ വേഷങ്ങളിലെത്തുന്ന ‘പാർട്നേഴ്സ്’ എന്ന ചിത്രത്തിലെ പുതിയ ഗാനം പ്രേക്ഷകർക്കരികിൽ. ‘കിനാവ് മേഞ്ഞൊരു കൂട്’ എന്നു തുടങ്ങുന്ന ഗാനം മനോരമ മ്യൂസിക് ആണ് പ്രേക്ഷകർക്കരികിലെത്തിച്ചത്. ബി.കെ.ഹരിനാരായണൻ വരികൾ കുറിച്ച പാട്ടിന് പ്രകാശ് അലക്സ് ഈണമൊരുക്കി. ജോബ് എബ്രഹാം ആണ് ഗാനം ആലപിച്ചത്. പാട്ട് ചുരുങ്ങിയ സമയം കൊണ്ടു ശ്രദ്ധേയമായിക്കഴിഞ്ഞു. നിരവധി പേരാണു പ്രതികരണങ്ങൾ അറിയിക്കുന്നത്.
നവാഗതനായ നവീൻ ജോൺ സംവിധാനം ചെയ്ത ചിത്രമാണ് ‘പാർട്നേഴ്സ്’. ത്രില്ലർ സ്വഭാവത്തിലുള്ള ചിത്രം, കൊല്ലപ്പള്ളി ഫിലിംസിന്റെ ബാനറില് ദിനേശ് കൊല്ലപ്പള്ളി നിർമിച്ചിരിക്കുന്നു. 1989ല് കാസര്ഗോഡ്–കർണാടക അതിർത്തി ഗ്രാമത്തിൽ നടന്ന ഒരു യഥാര്ഥ സംഭവത്തെ ആസ്പദമാക്കിയുള്ളതാണ് ചിത്രം.
‘പിച്ചെെക്കാരൻ’ എന്ന തമിഴ് ചിത്രത്തിലൂടെ ശ്രദ്ധ നേടിയ സാറ്റ്ന ടൈറ്റസ് ‘പാർട്നേഴ്സി’ൽ നായികയായെത്തുന്നു. സഞ്ജു ശിവറാം, അനീഷ് ഗോപാൽ, ദിനേശ് കൊല്ലപ്പള്ളി, ഹരീഷ് പേരാടി, ശ്രീകാന്ത് മുരളി, രാജേഷ് ശർമ, ഡോ.റോണി, നീരജ ശിവദാസ്, ദേവിക രാജേന്ദ്രൻ, വൈഷ്ണവി, തെലുങ്ക് താരം മധുസൂദന റാവു എന്നിവരാണ് ചിത്രത്തിലെ മറ്റ് അഭിനേതാക്കൾ. ഫൈസല് അലി ഛായാഗ്രഹണം നിർവഹിച്ചിരിക്കുന്നു. എഡിറ്റിങ്:സുനില്.എസ്.പിള്ള.