‘മെഴുതിരി നിലവെഴും പാതിരാ’; പുതുമകളുമായി ഒരു ക്രിസ്മസ് ഗാനം

മെഴുതിരി നിലവെഴും പാതിരാ

നനുനനെ വിരയണ് താരകാ

പിറവിയിൽ കുളിരണ ഭൂമികാ

ഒരുമൊഴിയുരുവിടും ഗ്ലോറിയാ

യൂ ആർ പ്രോഡക്ഷൻസിന്റെ ബാനറിൽ, ബി.കെ ഹരിനാരായണന്റെ വരികള്‍ക്ക് ഉദയ് രാമചന്ദ്രൻ സംഗീതം നല്‍കി ബിനു മല്ലശ്ശേരി ആലപിച്ച ക്രിസ്മസ് ഗാനം ആരാധകശ്രദ്ധ നേടുന്നു. സങ്കീർത്തനം എന്ന ആൽബത്തിലേതാണ് ഈ ഗാനം. എബി സാൽവിൻ തോമസ് ആണ് ഗാനത്തിന്റെ ഓർക്കസ്ട്രേഷൻ നിർവഹിച്ചിരിക്കുന്നത്. 

ക്രിസ്മസിന്റെ സന്തോഷവും ഭക്തിസാന്ദ്രമായ അന്തരീക്ഷവും പകർത്തിവച്ചിരിക്കുന്ന വരികൾക്ക് അനുയോജ്യമായ സംഗീതമാണ് നൽകിയിരിക്കുന്നത്. മികച്ച പ്രതികരണമാണ് ഗാനത്തിന് സമൂഹമാധ്യമങ്ങളിൽ നിന്നു ലഭിക്കുന്നത്. പുതുമയുള്ള ക്രിസ്മസ് ഗാനമെന്നാണ് ആസ്വാദകരുടെ കമന്റ്.