പ്രജ്വൽ രേവണ്ണ ജയിലിൽ

ബെംഗളൂരു∙ ലൈംഗിക പീഡനക്കേസിൽ അറസ്റ്റിലായ ജനതാദൾ (എസ്) മുൻ എംപി പ്രജ്വൽ രേവണ്ണയെ പാരപ്പന അഗ്രഹാര സെൻട്രൽ ജയിലിലേക്കു മാറ്റി. 31ന് അറസ്റ്റിലായതു മുതൽ പ്രത്യേക അന്വേഷണ സംഘത്തിന്റെ (എസ്ഐടി) കസ്റ്റഡിയിലായിരുന്ന അദ്ദേഹത്തെ ബെംഗളൂരുവിലെ പ്രത്യേക കോടതി ഇന്നലെയാണ് 24 വരെ ജുഡീഷ്യൽ കസ്റ്റഡിയിൽ റിമാൻഡ് ചെയ്തത്. പ്രജ്വൽ ഉൾപ്പെട്ട മൂന്നു ലൈംഗിക പീഡന കേസുകളിലാണ് അന്വേഷണം പുരോഗമിക്കുന്നത്. വീട്ടുജോലിക്കാരിയെ പീഡിപ്പിച്ചെന്ന പരാതിയിൽ തെളിവെടുപ്പു പൂർത്തിയായിരുന്നു. മറ്റു 2 കേസുകളിലെ അന്വേഷണത്തിന് എസ്ഐടി വീണ്ടും കസ്റ്റഡിയിൽ ആവശ്യപ്പെട്ടേക്കും.