ബിആർഎസ് വിട്ട് കോൺഗ്രസിൽ; എംഎൽഎമാരുടെ എണ്ണം ഏഴായി

ഹൈദരാബാദ് ∙ തെലങ്കാനയിൽ ബിആർഎസ് എംഎൽഎ ബി. കൃഷ്ണമോഹൻ റെഡ്ഡി കോൺഗ്രസിൽ ചേർന്നു. നിയമസഭാ തിരഞ്ഞെടുപ്പിനു ശേഷം ബിആർഎസ് വിട്ട് കോൺഗ്രസിലെത്തിയ എംഎൽഎമാരുടെ എണ്ണം ഇതോടെ 7 ആയി. 

കൂടുതൽ ബിആർഎസ് നിയമസഭാംഗങ്ങൾ പാർട്ടി വിടുമെന്ന് അഭ്യൂഹമുണ്ട്. 119 അംഗ സഭയിലേക്ക് കഴിഞ്ഞവർഷം നടന്ന തിരഞ്ഞെടുപ്പിൽ കോൺഗ്രസ് 64 സീറ്റും ബിആർഎസ് 39 സീറ്റുമാണ് നേടിയത്. സെക്കന്ദരാബാദ് ഉപതിരഞ്ഞെടുപ്പു കൂടി വിജയിച്ചതോടെ കോൺഗ്രസ് അംഗസംഖ്യ 65 ആയി. ബിആർഎസ് വിട്ടുവന്നവരെ കൂടി ചേർക്കുമ്പോൾ കോൺഗ്രസ് പക്ഷത്ത് എംഎൽഎമാരുടെ എണ്ണം 72 ആയി.