ജല സംരക്ഷണ ദൗത്യത്തിന് ഇന്ത്യയുടെ നേതൃത്വം: രാഷ്ട്രപതി

ന്യൂഡൽഹി ∙ സുസ്ഥിരമായ ജല ഉപയോഗത്തിനായുള്ള ആഗോള പ്രവർത്തനങ്ങൾക്ക് ‌ഇന്ത്യയാണു നേതൃത്വം നൽകുന്നതെന്ന് രാഷ്ട്രപതി ദ്രൗപദി മുർമു പറഞ്ഞു. വികസനത്തിനും അതിജീവനത്തിനുമുള്ള അവശ്യവിഭവമാണ് വെള്ളമെന്നും ജലശക്തി മന്ത്രാലയം സംഘടിപ്പിച്ച എട്ടാമതു ലോക ജലവാരം ഉദ്ഘാടനം ചെയ്തു രാഷ്ട്രപതി വ്യക്തമാക്കി. കേന്ദ്രസർക്കാരിന്റെ ജല ജീവൻ മിഷനെ പ്രശംസിച്ച രാഷ്ട്രപതി ജലം കാര്യക്ഷമമായി ഉപയോഗിക്കമെന്നും ആഹ്വാനം ചെയ്തു. 

ജലവാരാഘോഷത്തിന്റെ ഭാഗമായി നടത്തുന്ന കോൺക്ലേവിൽ വെള്ളപ്പൊക്കം, ജലസേചനം, അണക്കെട്ടുകളുടെ പരിപാലനം, ശുദ്ധജലലഭ്യത തുടങ്ങിയ വിഷയങ്ങൾ ചർച്ചചെയ്യും. 40 രാജ്യങ്ങളിൽനിന്നായി 200ൽ ഏറെ പ്രതിനിധികൾ പങ്കെടുക്കുന്നു.