ബാർബർക്ക് സഹായഹസ്തവുമായി രാഹുൽ ഗാന്ധി

ന്യൂഡൽഹി ∙ രാജ്യത്തു കഷ്ടപ്പെടുന്ന പാവങ്ങളും ഇടത്തരക്കാരുമായ ഓരോ വ്യക്തിയുടെയും മുഖത്തെ പുഞ്ചിരി തിരിച്ചുകൊണ്ടുവരുമെന്ന് പ്രതിപക്ഷനേതാവ് രാഹുൽ ഗാന്ധി പറഞ്ഞു. ഡൽഹി പ്രജാപത് കോളനിയിലെ ഉത്തംനഗറിൽ ബാർബർഷോപ്പ് സന്ദർശിച്ച് പ്രശ്നങ്ങൾ ചോദിച്ചറിഞ്ഞ രാഹുൽഗാന്ധി പിന്നീട് കടയിലേക്ക് ആവശ്യമായവ വാങ്ങിക്കൊടുക്കുകയും ചെയ്തു. 

ഷോപ്പിലെത്തിയ രാഹുൽ ബാർബർ അജിത്തിനോടു സംസാരിക്കുന്ന വിഡിയോ കഴിഞ്ഞദിവസം വാട്സാപ് ചാനലിൽ പങ്കുവച്ചിരുന്നു. അജിത്തിനു സാധനങ്ങൾ വാങ്ങിക്കൊടുക്കുന്ന വിഡിയോയും പങ്കുവച്ച രാഹുൽ, വരുമാനനഷ്ടവും പണപ്പെരുപ്പവും മൂലം രാജ്യത്തു കഠിനാധ്വാനം ചെയ്യുന്ന പാവപ്പെട്ടവരുടെ സ്വപ്നങ്ങൾ നഷ്ടമാകുകയാണെന്നു പറഞ്ഞു.