വിരമിച്ച ജഡ്ജിമാരുടെ രാഷ്ട്രീയ പ്രവേശനം: വിയോജിച്ച് ചന്ദ്രചൂഡ്

ന്യൂഡൽഹി∙ ജസ്റ്റിസുമാർ വിരമിച്ചശേഷം രാഷ്ട്രീയത്തിൽ പ്രവേശിക്കുന്നതിനോടു യോജിപ്പില്ലെന്നു വ്യക്തമാക്കി മുൻ ചീഫ് ജസ്റ്റിസ് ഡി.വൈ.ചന്ദ്രചൂഡ്. ജ‍സ്റ്റിസുമാർ വിരമിച്ചാലും നിയമത്തിന്റെ തടവറയിലാണെന്നും സമൂഹത്തിന്റെ വിശ്വാസം നഷ്ടപ്പെടാത്ത വിധത്തിലായിരിക്കണം തുടർജീവിതമെന്നും അദ്ദേഹം പറഞ്ഞു. പൗരന്റെ എല്ലാ അവകാശങ്ങളും ഉണ്ടായിരിക്കെത്തന്നെ ഇത്തരം ചില സ്വയംനിയന്ത്രണ വലയങ്ങൾ തങ്ങൾക്കു ചുറ്റുമുണ്ടെന്നും അദ്ദേഹം പറഞ്ഞു. ഒരു സംവാദത്തിൽപ്രതികരിക്കുകയായിരുന്നു അദ്ദേഹം.