യുവാവിനെ ആക്രമിച്ച് കാറിൽ കെട്ടിയിട്ട് മൊബൈൽ ഫോണുകൾ തട്ടിയെടുത്തു; ഒപ്പം താമസിച്ചിരുന്ന യുവതിയുടെ പങ്ക് അന്വേഷിക്കുന്നു
![m-s-sumesh ആക്രമണത്തിനിരയായ എം.എസ്.സുമേഷ്](https://img-mm.manoramaonline.com/content/dam/mm/mo/news/just-in/images/2024/7/26/m-s-sumesh.jpg?w=1120&h=583)
Mail This Article
അടിമാലി ∙ ടാക്സി ഡ്രൈവറായ യുവാവിനെ കാറിൽ കെട്ടിയിട്ട് ആക്രമിച്ച് അബോധാവസ്ഥയിലാക്കിയ ശേഷം 2 മൊബൈൽ ഫോൺ തട്ടിയെടുത്തു. ക്വട്ടേഷൻ ആക്രമണമാണെന്നു പൊലീസ് സംശയിക്കുന്നു. അടുത്ത നാൾ വരെ യുവാവിന് ഒപ്പം താമസിച്ചിരുന്ന യുവതിയുടെ പങ്ക് അന്വേഷിക്കുകയാണെന്നും കാക്കനാട് ഇൻഫോ പാർക്കിലാണ് ഇവർക്കു ജോലിയെന്നും പൊലീസ് പറയുന്നു.
-
Also Read
മഞ്ഞപ്പിത്തം: യുവതി മരിച്ചു
കുഞ്ചിത്തണ്ണി ഉപ്പാർ മേപ്പുതുശേരി എം.എസ്.സുമേഷിനെ (37) കഴുത്തിനും കൈക്കും മുറിവേറ്റ നിലയിൽ അടിമാലി താലൂക്ക് ആശുപത്രിയിൽ പ്രവേശിപ്പിച്ചു. ആലുവ ചൂണ്ടിയിൽ വാടകയ്ക്ക് താമസിക്കുകയാണ് സുമേഷ്.
വ്യാഴാഴ്ച രാത്രി 11 മണിക്കായിരുന്നു ആക്രമണം. സുമേഷ് ഓടിച്ചിരുന്ന കാറിന് നാലുപേരുള്ള സംഘം കൈകാണിച്ചു. വാഹനം നിർത്തിയതോടെ ഡ്രൈവിങ് സീറ്റിന് അടുത്ത് ഒരാൾ വന്ന് സുമേഷിന്റെ മുഖത്ത് അമർത്തിപ്പിടിച്ചു. കഴുത്ത് മുറിക്കാനും ശ്രമം നടത്തി.
അബോധാവസ്ഥയിലായി കാറിൽക്കിടന്ന സുമേഷിനെ പുലർച്ചെ 3 മണിയോടെ ഇതുവഴി വന്ന ഓട്ടോഡ്രൈവറാണ് കണ്ടെത്തിയത്. കൈകാലുകൾ സ്റ്റിയറിങിലും കഴുത്ത് ഹെഡ്റെസ്റ്റിലും കെട്ടിയിട്ട നിലയിലായിരുന്നു.
മൂന്നു വർഷമായി ഒപ്പം താമസിച്ചിരുന്ന യുവതിയുമായി ഈയിടെ പിരിഞ്ഞതോടെ അവരുടെ ഫോട്ടോകളും മെസേജുകളും യുവാവ് ഇൻസ്റ്റഗ്രാമിൽ പോസ്റ്റ് ചെയ്തു. ഇതിനെതിരെ യുവതി കാക്കനാട് പൊലീസിൽ പരാതി നൽകി. ഇതിനിടെയാണ് വ്യാഴാഴ്ച രാത്രി യുവാവിന് നേരെ ആക്രമണം.