കാറിടിച്ചു വീണ ബൈക്ക് യാത്രികന്റെ മേൽ ലോറി കയറി മരണം
Mail This Article
×
കോട്ടയം ∙ ബന്ധുവിന്റെ വിവാഹത്തിൽ പങ്കെടുത്ത് മടങ്ങിവരുന്നതിനിടെ കാറിടിച്ചു വീണ ബൈക്ക് യാത്രികന്റെ മേൽ ലോറി കയറി ദാരുണാന്ത്യം. പാക്കിൽ മാന്തറ ജോൺസൺ–ഷീബ ഡേവിഡ് ദമ്പതികളുടെ മകൻ നിഖിൽ ജോൺസൺ (31) ആണു മരിച്ചത്.
കാറിടിച്ച് റോഡിൽ തെറിച്ചുവീണ നിഖിലിന്റെ ശരീരത്തിലൂടെ ഗ്യാസ് സിലിണ്ടർ കയറ്റിയെത്തിയ ലോറി കയറുകയായിരുന്നു. ഇന്നലെ ഉച്ചകഴിഞ്ഞ് 2.15ന് എം.സി റോഡിൽ മുളങ്കുഴ ജംക്‌ഷനിലാണ് അപകടം. ഓൺലൈൻ വ്യാപാരസ്ഥാപനത്തിലാണ് നിഖിൽ ജോലി ചെയ്തിരുന്നത്.
വിവാഹച്ചടങ്ങിനു ശേഷം ജോലി ചെയ്യുന്ന സ്ഥാപനത്തിലേക്ക് വരുന്നതിനിടെയാണ് അപകടം. അപകടത്തെത്തുടർന്ന് എംസി റോഡിൽ അരമണിക്കൂർ ഗതാഗതം തടസ്സപ്പെട്ടു. സഹോദരി: മെറിൻ. ചിങ്ങവനം പൊലീസ് അസ്വാഭാവികമരണത്തിനു കേസെടുത്തു. സംസ്കാരം പിന്നീട്.
English Summary:
Person died in road accident in Kottayam
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
