സഹായം വൈകുന്നതിൽ പ്രതി മുഖ്യമന്ത്രി: കെ.മുരളീധരൻ

കോഴിക്കോട് ∙ മൃതദേഹങ്ങൾ വച്ചു വിലപേശരുതെന്നും ഊതിപ്പെരുപ്പിച്ച കണക്കുകൾ പുറത്തുവിടുമ്പോൾ മുഖ്യമന്ത്രിയുടെ ദുരിതാശ്വാസനിധിയിലേക്കു പണം നൽകാൻ ആളുകൾ മടിക്കുമെന്നും കെ.മുരളീധരൻ. ആ സ്ഥിതി വരരുതെന്നും വയനാടിനു സഹായം വൈകുന്നതിൽ ഒന്നാം പ്രതി മുഖ്യമന്ത്രിയും രണ്ടാം പ്രതി പ്രധാനമന്ത്രിയുമാണെന്നും മുരളീധരൻ പറഞ്ഞു. കേരളത്തിലെ 2 മുന്നണികൾ എതിർക്കുന്ന ആർഎസ്എസിന്റെ നേതാവിനെ എഡിജിപി കണ്ടത് എന്തിനാണെന്നു വ്യക്തമാക്കണം. അജിത് കുമാറിനെ സ്പർശിക്കുന്ന നിലപാട് മുഖ്യമന്ത്രി സ്വീകരിക്കില്ലെന്നും മുരളീധരൻ പറഞ്ഞു.