‘കാത്തിരുന്ന് കാണൂ’; യഥാർഥ തിരഞ്ഞെടുപ്പ് ഫലം എക്സിറ്റ് പോളുകൾക്ക് വിപരീതമായിരിക്കുമെന്ന് സോണിയ ഗാന്ധി
Mail This Article
×
ന്യൂഡല്‍ഹി∙ ലോക്സഭാ തിരഞ്ഞെടുപ്പ് ഫലം കാത്തിരുന്ന് കാണൂ എന്ന് കോൺഗ്രസ് മുൻ അധ്യക്ഷ സോണിയ ഗാന്ധി. എക്സിറ്റ് പോള്‍ പ്രവചനങ്ങള്‍ പറയുന്നതിന്റെ നേരെ വിപരീതമായിരിക്കും യഥാർഥ ഫലമെന്നും സോണിയ മാധ്യമപ്രവർത്തകരോട് പറഞ്ഞു. അന്തരിച്ച ഡിഎംകെ നേതാവും മുന്‍ മുഖ്യമന്ത്രിയുമായ എം.കരുണാനിധിയുടെ നൂറാം ജന്മവാര്‍ഷികത്തില്‍ ഡൽഹി ഡിഎംകെ ഓഫിസിലെത്തി ആദരമർപ്പിച്ച ശേഷമായിരുന്നു സോണിയയുടെ പ്രതികരണം. കരുണാനിധിയുമായി പലതവണ കൂടിക്കാഴ്ച നടത്തിയിട്ടുണ്ട്. അദ്ദേഹത്തില്‍ നിന്നു പലതും പഠിക്കാന്‍ സാധിച്ചതായും സോണിയ ഗാന്ധി പറഞ്ഞു.
സിപിഎം ജനറല്‍ സെക്രട്ടറി സീതാറാം യെച്ചൂരി, സിപിഐ ജനറല്‍ സെക്രട്ടറി ഡി.രാജ, സമാജ് വാദി പാര്‍ട്ടി നേതാവ് രാം ഗോപാല്‍ യാദവ് തുടങ്ങിയവരും കരുണാനിധിയുടെ ജന്മവാര്‍ഷിക ദിനത്തില്‍ ആദരവ് അര്‍പ്പിച്ചു. രാഹുല്‍ ഗാന്ധിയും രാവിലെ ഡിഎംകെ ഓഫീസിലെത്തിയിരുന്നു.
English Summary:
Sonia Gandhi said that the actual election results will be opposite to the exit polls
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
