കായംകുളത്ത് 76കാരിയെ പീഡിപ്പിക്കാൻ ശ്രമം; അയൽവാസിയായ 25കാരൻ അറസ്റ്റിൽ, മുൻപും സമാനമായ കേസിൽ പ്രതി
Mail This Article
×
കായംകുളം∙ കായംകുളത്ത് ഒറ്റയ്ക്കു താമസിച്ചിരുന്ന 76കാരിയെ പീഡിപ്പിക്കാൻ ശ്രമിച്ച കേസിൽ അയൽവാസിയായ 25കാരൻ അറസ്റ്റിൽ. ഓച്ചിറ ക്ലാപ്പന സ്വദേശി ഷിഹാസ് ആണു പിടിയിലായത്. കൃഷ്ണപുരം അതിർത്തിച്ചിറയ്ക്കു സമീപത്തു നിന്നാണു പൊലീസ് ഇയാളെ പിടികൂടിയത്. വ്യാഴാഴ്ച രാത്രിയാണ് സംഭവം നടന്നത്. ഈ സമയം യുവാവ് ലഹരിയിലായിരുന്നെന്നും മുൻപും സമാനമായ കേസിൽ ഉൾപ്പെട്ടിട്ടുണ്ടെന്നും പൊലീസ് പറഞ്ഞു.
വെള്ളിയാഴ്ച രാവിലെ വയോധികയെ അവശനിലയിൽ കണ്ട നാട്ടുകാര്‍ പൊലീസില്‍ വിവരമറിയിക്കുകയായിരുന്നു. തുടർന്നു പൊലീസ് എത്തി ഇവരെ വണ്ടാനം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. തീവ്രപരിചരണവിഭാഗത്തിൽ കഴിയുന്ന വയോധികയുടെ മൊഴി രേഖപ്പെടുത്തിയിട്ടില്ല. ഷിഹാസ് മുന്‍പ് മറ്റൊരു വയോധികയെ പീഡിപ്പിച്ചിട്ടുണ്ടെന്നും പൊലീസ് പറഞ്ഞു.
English Summary:
25-Year-Old Neighbor Arrested for Attempted Rape of 76-Year-Old Woman in Kayamkulam
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
