ഐഎഎസ് തലപ്പത്ത് അഴിച്ചുപണി; തിരുവനന്തപുരം കലക്ടറെ സ്ഥലം മാറ്റി, ശ്രീറാം ധനകാര്യ വകുപ്പ് ജോയിന്റ് സെക്രട്ടറി
![ias-change ias-change](https://img-mm.manoramaonline.com/content/dam/mm/mo/news/just-in/images/2024/7/15/ias-change.jpg?w=1120&h=583)
Mail This Article
തിരുവനന്തപുരം ∙ ഐഎഎസ് തലപ്പത്ത് മാറ്റവുമായി സർക്കാർ. തിരുവനന്തപുരം ജില്ലാ കലക്ടർ ജെറോമിക് ജോർജിന് പിന്നാക്കവിഭാഗ വികസന വകുപ്പ് ഡയറക്ടറായി സ്ഥലംമാറ്റം. ഐടി മിഷൻ ഡയറക്ടർ അനുകുമാരിയാണു പുതിയ കലക്ടർ. ആമയിഴഞ്ചാൻ തോട്ടിൽ ശുചീകരണതൊഴിലാളി മരിച്ചതിൽ ഹൈക്കോടതി വിമർശനത്തിന് പിന്നാലെയാണ് നടപടി.
സപ്ലൈകോ സിഎംഡി സ്ഥാനത്തുനിന്നു മാറ്റിയ ശേഷം പകരം നിയമനം ലഭിക്കാതിരുന്ന ശ്രീറാം വെങ്കിട്ടരാമനെ ധനകാര്യ വകുപ്പ് ജോയിന്റ് സെക്രട്ടറിയാക്കി. ശ്രീറാമിന്റെ ഭാര്യ രേണുരാജിനെ അടുത്തിടെ വയനാട് കലക്ടർ സ്ഥാനത്തുനിന്നു മാറ്റി പട്ടികവർഗ വകുപ്പ് ഡയറക്ടറാക്കിയിരുന്നു.
ഇടുക്കി കലക്ടർ ഷീബാ ജോർജിനെ റവന്യൂ വകുപ്പ് അഡീഷനൽ സെക്രട്ടറിയായി നിയമിച്ചു. ഹൗസിങ് ബോർഡ് സെക്രട്ടറിയുടെ പൂർണ അധിക ചുമതലയും വഹിക്കും. കോട്ടയം കലക്ടർ വി.വിഘ്നേശ്വരിയാണു പുതിയ ഇടുക്കി കലക്ടർ. പിന്നാക്കവിഭാഗ വികസന ഡയറക്ടർ ജോൺ വി.സാമുവലിനെ കോട്ടയം കലക്ടറായും നിയമിച്ചു.