ശബരിമല യോഗത്തിൽ നിന്ന് എഡിജിപി അജിത് കുമാറിനെ വെട്ടി; മുഖ്യമന്ത്രിയുടെ ഓഫിസ് ഇടപെട്ടു?

തിരുവനന്തപുരം∙ ശബരിമല അവലോകന യോഗത്തിൽനിന്ന് എഡിജിപി അജിത് കുമാറിനെ ഒഴിവാക്കി. മുഖ്യമന്ത്രിയുടെ നേതൃത്വത്തിൽ നടന്ന യോഗത്തിൽ നിന്നാണ് അജിത് കുമാറിനെ മാറ്റിയത്. ഡിജിപിയും ഇന്റലിജൻ‌സ്, ഹെഡ് ക്വാർട്ടേഴ്സ് എഡിജിപിമാരും ആണ് യോഗത്തിൽ പങ്കെടുത്തത്. ക്രമസമാധാന ചുമതലയുള്ള എഡിജിപിയാണ് യോഗത്തിൽ പങ്കെടുക്കേണ്ടിയിരുന്നത്.

മുഖ്യമന്ത്രിയുടെ ഓഫിസ് ഇടപെട്ടാണ് അജിത് കുമാറിനെ ഒഴിവാക്കിയതെന്നാണ് വിവരം. ഇന്ന് അല്ലെങ്കിൽ നാളെ അജിത് കുമാറിനെതിരായ റിപ്പോർട്ട് ഡിജിപി സമർപ്പിക്കുമെന്നാണ് വിവരം. ഇതിനു മുന്നോടിയായാണു മാറ്റിനിർത്തൽ എന്നാണു വിവരം.