സ്കൂൾ വിദ്യാർഥികൾക്ക് നേരെ പാഞ്ഞടുത്ത് കാട്ടാന; അപകടമൊഴിവായത് തലനാരിഴയ്ക്ക്- വിഡിയോ

ഇടുക്കി∙ പീരുമേട്ടിൽ സ്കൂൾ വിദ്യാർഥികൾക്കുനേരെ പാഞ്ഞടുത്ത് കാട്ടാന. വിദ്യാർഥികൾ ഓടിമാറിയതോടെ വൻ അപകടം ഒഴിവായി. ബസ് കാത്തുനിന്ന മരിയാഗിരി സ്കൂളിലെ കുട്ടികൾക്കു നേരെയാണ് കാട്ടാന പാഞ്ഞടുത്തത്. ബുധനാഴ്ച വൈകിട്ട് അഞ്ചുമണിയോടെയാണ് സംഭവം. 

ഇരുപതോളം സ്കൂൾ വിദ്യാർഥികൾ ബസ് കാത്തുനിൽക്കുമ്പോഴാണ് ബസ് സ്റ്റോപ്പിന് സമീപത്തെ തോട്ടത്തിൽനിന്ന് കാട്ടാന ഇവർക്കുനേരെ ഓടി അടുത്തത്. തുടർന്ന് വിദ്യാർഥികൾ ചിതറിയോടി. നാട്ടുകാരും വൈദികരും ബഹളം വച്ചതോടെ ആന അടുത്തുള്ള യൂക്കാലി തോട്ടത്തിലേക്ക് മാറി. സംഭവത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്.