പുനലൂർ-മൂവാറ്റുപുഴ സംസ്ഥാന പാതയിൽ കാർ നിയന്ത്രണം വിട്ടു മറിഞ്ഞു; നാലുപേർക്ക് പരുക്ക്
Mail This Article
×
പത്തനംതിട്ട∙ പുനലൂർ-മൂവാറ്റുപുഴ സംസ്ഥാന പാതയിൽ കുമ്പഴ മല്ലശ്ശേരിമുക്കിൽ കാർ നിയന്ത്രണം വിട്ടു മറിഞ്ഞ് നാലുപേർക്ക് പരുക്കേറ്റു. രണ്ടുപേരുടെ പരുക്ക് ഗുരുതരമാണ്. ഇവരെ പത്തനംതിട്ട ആശുപത്രിയിൽ പ്രവേശിപ്പിച്ചു.
ഉച്ചയ്ക്ക് പന്ത്രണ്ടുമണിയോടെയായിരുന്നു അപകടം. കുമ്പഴ ഭാഗത്ത് നിന്നും വന്ന കാർ മല്ലശ്ശേരിമുക്ക് ഐസ് ഫാക്ടറിക്ക് മുൻഭാഗത്തായി റോഡിലേക്ക് തള്ളി നിൽക്കുന്ന കലുങ്കിലേക്ക് ഇടിച്ചുകയറി കീഴ്‌മേൽ മറിയുകയായിരുന്നു. സമീപത്തെ ഐസ് ഫാക്ടറിയിലെ ജീവനക്കാരും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്. പരുക്കേറ്റവരിൽ രണ്ടുപേർ സ്ത്രീകളാണ്.
English Summary:
Car accident - Car accident on the Punalur-Muvattupuzha highway near Kumpazha left four people injured, with two in critical condition.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.