ക്രിസ്മസിന് തിരക്കില്ലാതെ വീട്ടിലെത്താം; കേരളത്തിലേക്ക് 10 സ്പെഷല്‍ ട്രെയിനുകൾ പ്രഖ്യാപിച്ച് റെയില്‍വേ

ന്യൂഡൽഹി∙ ക്രിസ്മസ് സീസണിലെ യാത്രാ തിരക്ക് പരിഗണിച്ച് കേരളത്തിലേക്ക് പത്ത് സ്പെഷൽ ട്രെയിനുകൾ പ്രഖ്യാപിച്ച് റെയിൽവേ. ചെന്നൈയിൽനിന്ന് തിരുവനന്തപുരം നോർത്തിലേക്ക് ഈ മാസം 23നും 30നും സ്പെഷൽ ട്രെയിനുകൾ സർവീസ് നടത്തും. ശബരിമല തീർഥാടകർക്കായി 416 സ്പെഷൽ ട്രിപ്പുകളും അനുവദിച്ചിട്ടുണ്ട്.

ബെംഗളൂരുവിൽ നിന്നുള്ള സ്പെഷൽ ട്രെയിൻ എസ്എംബിടി ടെർമിനലിൽനിന്ന് തിരുവനന്തപുരം നോർത്തിലേക്ക് സർവീസ് നടത്തും. 23ന് രാത്രി 11ന് ബെംഗളുരുവിൽ നിന്ന് പുറപ്പെട്ട് 24ന് വൈകിട്ട് 4.30ന് തിരുവനന്തപുരത്ത് എത്തുന്ന രീതിയിലാണ് സർവീസ് ക്രമീകരിച്ചിരിക്കുന്നത്. ട്രെയിൻ തിരുവനന്തപുരത്ത്നിന്ന് വൈകിട്ട് 5.55ന് തിരികെ ബെംഗളുരുവിലേക്ക് പോകും.