ആചാരാനുഷ്ഠാനങ്ങളിൽ കാലോചിതമായ മാറ്റം വേണം: പി.എസ്.പ്രശാന്ത്

ശബരിമല ∙ ക്ഷേത്രങ്ങളിലെ ആചാരാനുഷ്ഠാനങ്ങളിൽ കാലോചിതമായ മാറ്റം വേണമെന്നും ഇതിനായി ആരോഗ്യകരമായ ചർച്ച വേണമെന്നും തിരുവിതാംകൂർ ദേവസ്വം ബോർഡ് പ്രസിഡന്റ് പി.എസ്.പ്രശാന്ത്. ക്ഷേത്രങ്ങളിൽ ഷർട്ട് ധരിച്ചു കയറാൻ അനുവദിക്കണമെന്ന ശിവഗിരി മഠത്തിന്റെ അഭിപ്രായത്തോടു പ്രതികരിക്കുകയായിരുന്ന അദ്ദേഹം.

തന്ത്രിമാർ, വിശ്വാസ സമൂഹം എന്നിവരുമായി കൂടിയാലോചന വേണം. ഇങ്ങനെ നടപ്പാക്കുമെന്നു മുഖ്യമന്ത്രി പിണറായി വിജയൻ പറഞ്ഞതായി തോന്നുന്നില്ല. ക്ഷേത്രങ്ങളിലെ ആചാരവും അനുഷ്ഠാനവും നൂറ്റാണ്ടുകളായി നിലനിൽക്കുന്നതാണ്. കാലത്തിന് അനുസരിച്ച് മാറ്റങ്ങൾ ഉണ്ടാകണമെന്നും അദ്ദേഹം വ്യക്തമാക്കി.