റുഷ്ദി വധശ്രമം: പ്രതിയുടെ ആവശ്യം തള്ളി

മേവിൽ (യുഎസ്) ∙ ഇന്ത്യൻ വംശജനായ ഇംഗ്ലിഷ് നോവലിസ്റ്റ് സൽമാൻ റുഷ്ദിക്കു നേരെയുണ്ടായ വധശ്രമം സംബന്ധിച്ച്, റുഷ്ദിയുടെ കയ്യിലുള്ള സ്വകാര്യ വിവരങ്ങൾ തനിക്കു ലഭ്യമാക്കണമെന്ന പ്രതിയുടെ ആവശ്യം ന്യൂയോർക്കിലെ ഷട്ടോക്വ കൗണ്ടി കോടതി നിരസിച്ചു.

റുഷ്ദിയുടെ സ്മരണക്കുറിപ്പായ ‘നൈഫ്: മെഡിറ്റേഷൻസ് ആഫ്റ്റർ ആൻ അറ്റംപ്റ്റഡ് മർഡർ’ സംബന്ധിച്ച എല്ലാ സ്വകാര്യ കുറിപ്പുകളും കൈമാറണമെന്നാണ് പ്രതി ഹാദി മതാറിന്റെ അഭിഭാഷകൻ റുഷ്ദിയോടും പ്രസാധകരായ പെൻഗ്വിൻ റാൻഡം ഹൗസിനോടും ആവശ്യപ്പെട്ടത്. 2022 ഓഗസ്റ്റിലാണ് ന്യൂയോർക്കിൽ പ്രസംഗിക്കാനെത്തിയ റുഷ്ദിയെ (75) ഹാദി കുത്തിയത്.