യുക്രെയ്നിൽ റഷ്യൻ മിസൈൽ, ഡ്രോൺ ആക്രമണം: 4 മരണം

കീവ് ∙ യുക്രെയ്നിലേക്ക് റഷ്യയുടെ രൂക്ഷമായ മിസൈൽ, ഡ്രോൺ ആക്രമണം. ഓഗസ്റ്റിനു ശേഷമുള്ള ഏറ്റവും കനത്ത ഈ ആക്രമണം പ്രധാനമായും യുക്രെയ്നിന്റെ ഉർജോൽപാദനകേന്ദ്രങ്ങളെ തകർക്കാനായിരുന്നു ആക്രമണം. 120 മിസൈലുകളും 90 ഡ്രോണുകളും റഷ്യ ആക്രമണത്തിന് ഉപയോഗിച്ചെന്നും ഇതിൽ 102 മിസൈലുകളും 42 ഡ്രോണുകളും വെടിവച്ചിട്ടതായി യുക്രെയ്ൻ വ്യോമസേന അവകാശപ്പെട്ടു. മൈക്കലോവിൽ 2 കുട്ടികൾ ഉൾപ്പെടെ 4 പേർ കൊല്ലപ്പെട്ടു.

6 പേർക്കു പരുക്കേറ്റു. ശൈത്യകാലത്ത് അത്യാവശ്യമായ വൈദ്യുതിയുടെയും മറ്റും ലഭ്യത ദുർബലമാക്കി യുക്രെയ്നിനെ തകർക്കാനുള്ള തന്ത്രത്തിന്റെ ഭാഗമായി സമീപകാലത്ത് അടിസ്ഥാനസൗകര്യങ്ങൾ തകർക്കാനാണ് റഷ്യ ശ്രമിക്കുന്നത്.  ഇതേസമയം, അതിർത്തിയിലെ ബെൽഗൊറോദ് മേഖലയിൽ യുക്രെയ്ൻ ഡ്രോൺ ആക്രമണത്തിൽ ഒരാൾ കൊല്ലപ്പെട്ടതായി റഷ്യ അറിയിച്ചു.