ഗാസ ആശുപത്രിയിൽ ഷെൽ ആക്രമണം: നിഷേധിച്ച് ഇസ്രയേൽ

ഗാസ ∙ വടക്കൻ ഗാസയിലെ ആശുപത്രിയിൽ ഇസ്രയേൽ നടത്തിയ ആക്രമണത്തിൽ ഒട്ടേറെപ്പേർക്കു പരുക്കു പറ്റിയെന്നും കെട്ടിടത്തിനും ഉപകരണങ്ങൾക്കും തകരാറുണ്ടായെന്നും ആശുപത്രി അധികൃതർ പറഞ്ഞു. നൂറിലേറെ ഷെല്ലുകളും ബോംബുകളും ഇവിടെ പതിച്ചെന്നും ആശുപത്രിയുടെ പ്രവർത്തനം തടസ്സപ്പെട്ടിരിക്കുകയാണെന്നും അധികൃതർ അറിയിച്ചു.

വടക്കൻ ഗാസയിൽ ഭാഗികമായെങ്കിലും പ്രവർത്തിക്കുന്ന 3 ആശുപത്രികളിലൊന്നിലാണ് ആക്രമണം. എന്നാൽ തങ്ങൾ ആക്രമണം നടത്തിയിട്ടില്ലെന്നാണ് ഇസ്രയേൽ സൈന്യത്തിന്റെ നിലപാട്.