ഗാസയിൽ 6 മരണം; ബന്ദി മോചന ചർച്ച തുടരുന്നു

ജറുസലം ∙ ഗാസയിലെ ഇസ്രയേൽ ആക്രമണത്തിൽ ഇന്നലെ 6 പേർ കൊല്ലപ്പെട്ടു. ലബനനിൽ നടന്ന സ്ഫോടനത്തിൽ 4 ഇസ്രയേൽ സൈനികരും കൊല്ലപ്പെട്ടു. തുരങ്കത്തിൽ സൂക്ഷിച്ചിരുന്ന ഹിസ്ബുല്ലയുടെ സ്ഫോടക വസ്തുക്കൾ നിർവീര്യമാക്കുന്നതിനിടെയായിരുന്നു അപകടം. യെമനിൽ നിന്നയച്ച ഡ്രോൺ ഇസ്രയേലിൽ കെട്ടിട സമുച്ചയത്തിനു നാശം വരുത്തി. 

ഇതേസമയം, ഹമാസ് ബന്ദിയാക്കിയവരുടെ മോചനം സംബന്ധിച്ച ചർച്ചകൾ പുരോഗമിക്കുകയാണെന്നും ഇതിൽ ശുഭാപ്തി വിശ്വാസം ഉണ്ടെന്നും ഇസ്രയേൽ വിദേശകാര്യ മന്ത്രാലയം അറിയിച്ചു. ബന്ദികളെ മുഴുവൻ മോചിപ്പിക്കാതെ ഗാസയിൽ വെടിനിർത്തൽ ഉണ്ടാകില്ലെന്നും മന്ത്രാലയം അറിയിച്ചു. യുഎസിന്റെ നേതൃത്വത്തിലാണ് മധ്യസ്ഥ ചർച്ചകൾ. 2023 ഒക്ടോബർ 23ന് ഹമാസ് ഇസ്രയേലിൽ നടത്തിയ അക്രമണത്തെ തുടർന്ന് 250 പേരെയാണ് ബന്ദികളാക്കി കൊണ്ടുപോയത്.