മലബാർ സ്പെഷൽ തനിനാടൻ മുട്ട പത്തിരി വീട്ടിൽ തയാറാക്കാം

എത്ര പറഞ്ഞാലും തീരാത്ത വിശേഷങ്ങളാണ‌ു പത്തിരിക്കു പങ്കുവയ്ക്കാനുള്ളത്. തനി മലബാറി വിഭവമായ പത്തിരിക്കു മൊഞ്ചിത്തിരി കൂടുതലാണ്. ലളിതമായ രുചി. തനിനാടൻ രുചിക്കൂട്ട്. പത്തിരിതന്നെ പത്തുനൂറായിരം തരത്തിലുണ്ട്, അതിലൊരു കിടിലൻ മുട്ടപ്പത്തിരിയുടെ രുചിക്കൂട്ട് നോക്കാം. 

ചേരുവകൾ

• പച്ചരി - 2 കപ്പ്
  
• മുട്ട – 1
• വെള്ളം - ആവശ്യത്തിന്
• ചോറ്  - കാൽക്കപ്പ്
• പപ്പടം - 4
• ഉപ്പ് – ആവശ്യത്തിന്

തയാറാക്കുന്ന വിധം

ചേരുവകൾ എല്ലാം ഒരുമിച്ച് മിക്സിയിലടിച്ച് (ഇഡ്ഡലി മാവിന്റെ അയവിൽ) രണ്ടു മണിക്കൂർ വെയ്ക്കുക. അതിനുശേഷം ഒരു അപ്പച്ചട്ടിയിൽ  ആവശ്യത്തിന് എണ്ണ  ഒഴിച്ചു രണ്ട് വശയും വേവുന്നതുവരെ ഇടത്തരം തീയിൽ പൊരിക്കുക.