ചെറുപഴം കൊണ്ട് തയാറാക്കാം ഉളളം തണുപ്പിക്കുന്ന സ്മൂത്തി

വേനൽച്ചൂടിൽ വിശപ്പും ദാഹവും മാറ്റാൻ പഴം കൊണ്ടു തയാറാക്കാവുന്ന രസികൻ സ്മൂത്തി റെസിപ്പി എങ്ങനെയെന്നു നോക്കാം.

ചേരുവകൾ 

ചെറുപഴം - 5 എണ്ണം
ഈന്തപ്പഴം -8 എണ്ണം
പാൽ - അര കപ്പ്
പഞ്ചസാര -1 ടേബിൾ സ്പൂൺ (ആവശ്യമെങ്കിൽ മാത്രം)
കശുവണ്ടി - 5 എണ്ണം (ആവശ്യമെങ്കിൽ മാത്രം)

തയാറാക്കുന്ന വിധം

ഈന്തപ്പഴം കുറച്ചു പാല് ഒഴിച്ച് നന്നായി അരച്ചെടുക്കുക. അതിലേക്കു പഴം, കശുവണ്ടിയും ഇട്ട് ബാക്കി ഉള്ള പാലും പഞ്ചസാരയും ഒഴിച്ച് അരയ്ക്കുക, സ്മൂത്തി റെഡി.