ഇടിഞ്ഞിൽ കഞ്ഞി വെറും മൂന്ന് ദിവസം കുടിച്ചു നോക്കൂ

ഇടിഞ്ഞിൾ മരത്തിന്റെ തോല് ചെത്തിയെടുത്തു അരച്ചുണ്ടാക്കുന്ന കഞ്ഞി കർക്കിടകത്തിൽ എന്നല്ല എല്ലാ മാസങ്ങളിലും ശാരീരിക വേദനകൾക്ക് ഉത്തമ ഗുണം ഉള്ളതാണ്. ശരീരത്തിന് ഉള്ളിലുള്ള മുറിവുകൾ പോലും ഉണക്കാൻ കഴിവുണ്ടെന്നാണ് പഴമക്കാർ പറയുന്നത്. കൈ കാൽ മുട്ട് വേദന , പുറം വേദന എന്നിവ മാറാൻ ഈ മരുന്നു കഞ്ഞി കുടിച്ചാൽ മതി.

ഇതിന്റെ തോലും മുട്ടയുടെ വെള്ളയും ചേർത്ത് ദേഹത്തിന്റ പുറമെയുള്ള വേദകൾക്ക് പുരട്ടാം, അത്യുഗ്രൻ വേദന സംഹാരിയാണ്. 

ചേരുവകൾ

• ഇടിഞ്ഞിൽ - 50 ഗ്രാം 
• പച്ചരി - 100 ഗ്രാം 
• ഉപ്പ് - 1/4 ടീ സ്പൂൺ 
• നാളികേരം - 1/2 കപ്പ്‌ 
• വെള്ളം - ആവശ്യത്തിന് 

തയാറാക്കുന്ന വിധം

• ഇടിഞ്ഞിൽ ചെറിയ കഷ്ണങ്ങൾ ആക്കി 200 മില്ലി വെള്ളം ഒഴിച്ച് നന്നായി അരച്ചെടുക്കുക. 
• ഇത് 5-10 മിനിട്ട് നന്നായി തിളപ്പിക്കുക.
• അതിന് ശേഷം അരി അരച്ചെടുത്തത് ഒഴിക്കുക. നന്നായി തിളച്ചു വരുമ്പോൾ ഉപ്പ് ചേർക്കുക. (ഈ സമയത്ത് തേങ്ങ പാൽ വേണമെങ്കിൽ ചേർക്കാവുന്നതാണ് )
• ശേഷം നാളികേരം ചേർത്ത് ചൂടോടെ കഴിക്കുക. 

Note

• ആവശ്യം അനുസരിച്ച് വെള്ളം കൂട്ടാവുന്നതാണ് 
  
• ഇത് കഴിക്കുമ്പോൾ എരിവും പുളിയും നോൺ വെജും തീരെ ഒഴിവാക്കുക. 
  
• മരുന്ന് കഞ്ഞികൾ പ്രത്യേകിച്ചും വൈകുന്നേരങ്ങളിൽ കഴിക്കാൻ ശ്രമിക്കുക.