ചോറിനൊപ്പം മാജിക്ക് മസാല മത്തി ഫ്രൈ

മത്തിയുടെ സ്ഥിരം മണം ഒന്നും ഇല്ലാതെ നല്ല കിടിലൻ ആയി ആർക്കും കഴിക്കാൻ ഇഷ്ട്ടപ്പെടുന്ന ഒരു അടിപൊളി മത്തി ഫ്രൈ.

ചേരുവകൾ :

• മത്തി – അര കിലോ
• മുളകുപൊടി - 1 ടേബിൾസ്പൂൺ
• മഞ്ഞൾപ്പൊടി - 1 /2 ടേബിൾ സ്പൂൺ
• ഇഞ്ചി വെളുത്തുള്ളി പേസ്റ്റ് - 2 ടേബിൾസ്പൂൺ
• പുതിന ഇല - ഒരു പിടി 
• മല്ലിയില - ഒരു പിടി 
• കുരുമുളക് പൊടി - 1 ടീസ്പൂൺ

തയാറാക്കുന്ന വിധം

മേൽപ്പറഞ്ഞ എല്ലാ ചേരുവകളും ആവശ്യത്തിന് ഉപ്പ് ചേർത്ത് ഒട്ടും വെള്ളം ചേർക്കാതെ ഒരു മിക്സിയിൽ അടിച്ചു നല്ല കുഴമ്പാക്കി എടുക്കുക. മത്തി നന്നായി വരഞ്ഞു അതിൽ ഈ ചേരുവ ചേർത്ത് 1 മണിക്കൂർ വയ്ക്കുക. ശേഷം നന്നായി തിളച്ച വെളിച്ചെണ്ണയിൽ മുങ്ങി കിടന്ന് വറുക്കാൻ പാകത്തിന് വറുത്ത് കോരുക . മസാല കരിഞ്ഞുപോകാതെ പാതി ആവുമ്പോൾ മറിച്ചിട്ട് വേവിച്ച് എടുക്കാം.