സ്പൈസി മസാലക്കടല വീട്ടിൽ തയാറാക്കാം

എരിപൊരി മസാലക്കടല വീട്ടിൽ തയാറാക്കിയാലോ? മഴയത്ത് കൊറിക്കാൻ മസാലക്കടല, കുട്ടികൾക്കും മുതിർന്നവർക്കും ഒരു പോലെ ഇഷ്ടപ്പെടും.

ആവശ്യമുള്ള സാധനങ്ങൾ

• നിലക്കടല (പച്ച)     –     1 കപ്പ് 
• കടല മാവ്            –     1/2 കപ്പ് 
• അരിപ്പൊടി           –   1/4 കപ്പ് 
• വെളുത്തുള്ളി         –         4 അല്ലി 
• മഞ്ഞൾപ്പൊടി       –      1/4 tsp 
• മുളക് പൊടി          –          1/2 tsp (കശ്മീരി ചില്ലി )
• കായപ്പൊടി           –          കുറച്ച് 
• ഉപ്പ്                      –             ആവശ്യത്തിന് 
• പെരുംജീരകം         –             1 ടീസ്പൂൺ
• എണ്ണ                   –              2 ടീസ്പൂൺ  (വറുത്ത് എടുക്കാനും വേണം )
• വെള്ളം                 –             1 ഗ്ലാസ്സ് 

തയാറാക്കുന്ന വിധം

• നിലക്കടല, കടലമാവ്, അരിപ്പൊടി, വെളുത്തുള്ളി ചതച്ചത്, മഞ്ഞൾപ്പൊടി, മുളകുപൊടി, കായപ്പൊടി, ഉപ്പ്, പെരുംഞ്ചീരകം, രണ്ട് ടീസ്പൂൺ എണ്ണ ഇവയെല്ലാം നന്നായി യോജിപ്പിച്ച് ആവശ്യത്തിന് വെള്ളം തളിച്ച് കുഴച്ച് എടുക്കാം.
• കടല ഒന്നിനോട് ഒന്ന് വിട്ടു നിൽക്കും വിധം കിട്ടണം. എണ്ണ ചൂടാക്കി അതിൽ കടല ഇട്ട് വറുത്ത് എടുക്കാം.