ചോറ് കഴിക്കാൻ കുറുകിയ ചാറോടുകൂടിയ ചേമ്പ് കറി

നാടൻ ചേമ്പ് കൊണ്ട് തേങ്ങ അരച്ചൊരു കറി വച്ചാൽ ചോറിന് കൂട്ടാൻ വേറൊന്നും വേണ്ടിവരില്ല.

ചേരുവകൾ

• ചേമ്പ് - 300 ഗ്രാം
• മുളകുപൊടി - 1/4 ടീസ്പൂൺ
• തേങ്ങാ - 1 കപ്പ്
• ജീരകം - 3/4 ടീസ്പൂൺ 
• ഉണക്കമുളകിന്റെ അരി  - 3/4 ടീസ്പൂൺ 
• വെള്ളിത്തുള്ളി - 2 അല്ലി
• കറിവേപ്പില - ആവശ്യത്തിന്
• താളിക്കാൻ – കടുക്, തേങ്ങാ, ഉള്ളി , കറിവേപ്പില, ഉണക്കമുളക്.  

തയാറാക്കുന്ന വിധം

• ചേമ്പ് വെള്ളമൊഴിച്ചു മുളകുപൊടിയും കറിവേപ്പിലയും ഉപ്പും ചേർത്ത് മയമാകുന്നതുവരെ വേവിക്കുക. അതിൽ കുറച്ചെടുത്തു പൊടിച്ചു ചേമ്പിന്റെ കൂടെ ചേർക്കുക. 
• ഗ്രൈൻഡറിൽ തേങ്ങയും ഉണക്കമുളകിന്റെ അരിയും ജീരകവും വെളുത്തുള്ളിയും കുറച്ചു വെള്ളം ചേർത്ത് മയത്തിൽ അരച്ച് ചേമ്പിന്റെ കൂടെ ചേർക്കുക. ഇതിൽ ഒരു കപ്പ് വെള്ളം ചേർത്ത്  കലക്കി തിള വരുമ്പോൾ തീ ഓഫ് ചെയ്യുക.
• വേറൊരു പാനിൽ എണ്ണ ഒഴിച്ചു കടുകും തേങ്ങയും ഉള്ളിയും കറിവേപ്പിലയും ഉണക്കമുളകും മൂപ്പിച്ചു കറിയിൽ ചേർക്കുക