ഗോതമ്പ് പൊടികൊണ്ട് നാവിൽ കൊതിയൂറും ജിഞ്ചർ ബിസ്ക്കറ്റ്

ഇഞ്ചിയും ഗോതമ്പുപൊടിയും ചേർത്തൊരു സൂപ്പർ ബിസ്ക്കറ്റ് തയാറാക്കാം.

ചേരുവകൾ:

• ഗോതമ്പ് പൊടി             - 3/4 കപ്പ്
• നെയ്യ്                          - 1/4 കപ്പ്
• പൊടിച്ച പഞ്ചസാര        - 1/4 കപ്പ്
• ചുക്ക് പൊടി                - 2 കപ്പ്
• കറുവപ്പട്ട പൊടിച്ചത്      - 1/4 ടീസ്പൂൺ
• ബേക്കിങ് പൗഡർ         - 1/2 ടീസ്പൂൺ
• പാൽ                          - 2 ടേബിൾസ്പൂൺ

പാചകവിധി 

ഒരു മിക്സിങ് ബൗളിൽ നെയ്യും പഞ്ചസാരയും നല്ലതുപോലെ യോജിപ്പിക്കുക . അതിലേക്ക് ഗോതമ്പുപൊടി, ചുക്കുപൊടി, കറുവപ്പട്ട പൊടിച്ചത്, ബേക്കിങ് പൗഡർ എന്നിവ അരിച്ചു ചേർക്കുക. മിക്സ് ചെയ്തതിനുശേഷം പാലു ചേർത്തു മൃദുവായി കുഴച്ചെടുക്കുക. ചെറിയ ഉരുളകളായി ഉരുട്ടി  കൈവെള്ളയിൽ വെച്ച്  പ്രസ്സ് ചെയ്തെടുക്കുക.( മോൾ‍ഡ് ഉപയോഗിച്ച്  ഇഷ്ടമുള്ള ഷേപ്പിൽ മുറിച്ചെടുക്കാം )

ഒരു ബേക്കിങ് ട്രേയിൽ നിരത്തിവെച്ച് പ്രീ ഹീറ്റ് ചെയ്ത അവ്നിൽ  180 ഡിഗ്രിയിൽ 15 -  20 മിനിറ്റ്  ബേക്ക് ചെയ്യുക.