ഒരു കിടുക്കാച്ചി ബീഫ് മസാലയും കപ്പ വേവിച്ചതും

തനി നാടൻ രുചിയിൽ ഒരു ബീഫ് മസാലയും കൂടെ കപ്പ വേവിച്ചതും എങ്ങിനെ എളുപ്പത്തിൽ തയാറാക്കാമെന്നു നോക്കാം. 

ചേരുവകൾ 

• ബീഫ് - അരക്കിലോ
• ഇഞ്ചി വെളുത്തുള്ളി ചതച്ചത് - 1 ടേബിൾസ്പൂൺ
• ചെറിയ ഉള്ളി - കാൽ കപ്പ്
• വലിയ ഉള്ളി - 1
• തക്കാളി - 1 
• പച്ചമുളക് - 2
• മുളകുപൊടി - 1 ടേബിൾസ്പൂൺ
• മല്ലിപ്പൊടി - 2 ടേബിൾസ്പൂൺ
• കുരുമുളകുപൊടി - 1ടേബിൾസ്പൂൺ 
• മഞ്ഞൾപ്പൊടി - അരടീസ്പൂൺ 
• ഗരം മസാല - 1 ടീസ്പൂൺ
• ഉപ്പ് - ആവശ്യത്തിന്
• വെളിച്ചെണ്ണ - ആവശ്യത്തിന്
• കപ്പ - 1 കിലോഗ്രാം
• നാളികേരം - അരക്കപ്പ് 
• കടുക് - 1 ടീസ്പൂൺ
• വറ്റൽമുളക് - 3 
• കറിവേപ്പില, മല്ലിയില - ആവശ്യത്തിന് 

തയാറാക്കുന്ന വിധം

• പ്രഷർ കുക്കറിലേക്ക് വെളിച്ചെണ്ണ ഒഴിച്ച് ചൂടാകുമ്പോൾ ഇഞ്ചി – വെളുത്തുള്ളി, സവാള, ചെറിയ ഉള്ളി, പച്ചമുളക്, തക്കാളി എന്നിവ ചേർത്ത് വഴറ്റുക. ഇതിലേക്കു പൊടികൾ ചേർത്ത് മൂപ്പിക്കുക. ബീഫ് ചേർത്ത് വേവിക്കുക.
• മറ്റൊരു ഫ്രൈയിങ് പാനിൽ വെളിച്ചെണ്ണ ഒഴിച്ച് കറിവേപ്പില, പച്ചമുളക് എന്നിവ മൂപ്പിക്കുക. ഇതിലേക്കു വേവിച്ച ബീഫ് ചേർത്ത് കുറുകി വരുമ്പോൾ മല്ലിയില ചേർത്തിളക്കി തീ ഓഫ് ചെയ്യാം.
• ചെറുതായി നുറുക്കിയ കപ്പയിൽ ഉപ്പ്, മഞ്ഞൾപ്പൊടി എന്നിവ ചേർത്ത് വേവിക്കുക.
  
• പാനിൽ വെളിച്ചെണ്ണ ഒഴിച്ച് കടുക്, വറ്റൽമുളക്, കറിവേപ്പില എന്നിവ ചേർത്ത് മൂപ്പിക്കുക .ഇതിലേക് സവാളയും തേങ്ങായും ചേർത്ത് വേവിച്ച കപ്പയും ചേർത്ത് ഉടച്ചെടുക്കുക. ചൂടോടെ വിളമ്പാം.