തൊട്ടുകൂട്ടാൻ അൽപം ചെമ്മീൻ അച്ചാർ

അസാധ്യ രുചിയുള്ള കിടു ചെമ്മീൻ അച്ചാർ തയാറാക്കുന്നതെങ്ങനെയെന്നു നോക്കാം.

ചേരുവകൾ

• ചെമ്മീൻ - 1/2 കിലോഗ്രാം
• ഇഞ്ചി - ചെറിയ കഷ്ണം
• വെളുത്തുള്ളി - 10 അല്ലി
• പച്ചമുളക് - 4 എണ്ണം
• കറിവേപ്പില - 2-3 തണ്ട്
• വറ്റൽ മുളക് - 4 എണ്ണം
• മുളകുപൊടി - 4 ടേബിൾ സ്പൂൺ
• മഞ്ഞൾപ്പൊടി -1/2 ടീസ്പൂൺ
• ഉലുവാപ്പൊടി - 1/2 ടീസ്പൂൺ
• കായപ്പൊടി - 1/2 ടീസ്പൂൺ
• ഈന്തപ്പഴം - 6 എണ്ണം
• വിനാഗിരി - 1/2 കപ്പ്‌
• വെജിറ്റബിൾ ഓയിൽ - 3 ടേബിൾസ്പൂൺ
• നല്ലെണ്ണ - 3 ടേബിൾ സ്പൂൺ
• ഉപ്പ് - ആവശ്യത്തിന്

തയാറാക്കുന്നവിധം 

• ചെമ്മീൻ മസാല പുരട്ടി അര മണിക്കൂർ മാറ്റിവയ്ക്കണം. 
• ഒരു പാത്രത്തിൽ ഓയിൽ ചൂടാക്കി അതിൽ ചെമ്മീൻ ഒന്ന് വറുത്തെടുക്കണം, ശേഷം വേറൊരു പാത്രം അടുപ്പിൽ വച്ച് അതിൽ നല്ലെണ്ണ ഒഴിച്ച് കടുക്‌ പൊട്ടിച്ചശേഷം കറിവേപ്പില, വറ്റൽ മുളക്, ഇഞ്ചി, വെളുത്തുള്ളി, പച്ചമുളക് എന്നിവ ചേർത്ത് പച്ചമണം മാറുന്നത് വരെ വഴറ്റാം. 
• ഇതിൽ മുളക് മസാല (മുളകുപൊടിയും മഞ്ഞൾപ്പൊടിയും വെള്ളം ചേർത്ത് യോജിപ്പിച്ച് എടുത്തത്) ചേർത്ത് വീണ്ടും ചെറുതീയിൽ വഴറ്റണം. ചൂടുവെള്ളത്തിൽ കുതിർത്തുവച്ച ഈത്തപ്പഴം ചേർത്ത് കൊടുക്കാം. വിനാഗിരി ചേർത്ത് തിളപ്പിച്ചശേഷം ആവശ്യത്തിന് ഉപ്പും വറുത്തുവച്ച ചെമ്മീനും ചേർത്ത് കൊടുക്കാം.